मीरा राजपूतने सांगितले सुंदर-मजबूत केसांचे रहस्य! घरातच ‘हा’ उपाय करून पाहा

बॉलीवूड अभिनेता शाहिद कपूरची पत्नी मीरा राजपूतने आपल्या केसांसाठी एक रामबाण उपाय सांगितला आहे. तुम्हालाही केसांच्या समस्या असतील तर हा उपाय नक्की करून पहा.

Follow Us:

Follow Us:

सुंदर दिसणे कोणाला आवडत नाही. प्रत्येकजण सुंदर दिसण्यासाठी अनेक वेगवगेळे ब्युटी प्रोडक्टस वापरत असतात. मात्र रासायनिक प्रोडक्टस आपल्या आरोग्यासाठी घातक ठरू शकतात. स्त्री-पुरुषाचे सौंदर्य हे त्यांच्या केसांवर काही अंशी अवलंबून असते. सुंदर, मजबूत केस अनेकांचे लक्ष आपल्याकडे वेधते. अशावेळेस आपल्या केसांची योग्य निगा राखणे फार गरजेचे बनते.

अनेकजण आपल्या केसांना तेल लावत नाही किंवा केसांची योग्य रीतीने काळजी घेत नाही परिणामी त्याची केसं निस्तेज होऊ लागतात आणि त्यांना केसांच्या अनेक समस्यांना सामोरे जावे लागते. सध्या बरेच लोक केमिकल ट्रीटमेंट्सचा आहारी पडतात, यामुळेही केसांचे आरोग्य खराब होऊ शकते. या केमिकल ट्रीटमेंट्समुळे केस गळणे, केसांची वाढ खुंटणे अशा समस्या निर्माण होतात.

अनेकदा मोठमोठ्या सेलेब्रिटींकडे बघून आपल्याला त्यांच्यासारखे बनावेसे वाटते. मात्र तुम्हाला माहित आहे का? अनेक सेलेब्रिटीही महागडे प्रोडक्टस न वापरता काही घरगुती उपायांचा वापर करतात. बॉलीवूड अभिनेता शाहिद कपूरची पत्नी मीरा कपूरदेखील तिच्या केसांची काळजी आयुर्वेदिक तेलाने घेते. हे तेल ती घरच्या घरी बनवते. मीराने या रामबाण तेलाची रेसिपी शेअर केली आहे, चला तर मग जाणून घेऊयात याबाबत सविस्तर.

हेदेखील वाचा – वजन कमी करण्यासाठी चपाती खाणं बंद करण्याऐवजी पीठात मिक्स करा ‘हे’ पदार्थ, वजन होईल कमी

साहित्य

• जास्वंद (Hibiscus)
• कढीपत्ता (Curry leaves)
• मेथीचे दाणे (Fenugreek seeds)
• खोबरेल तेल (Coconut Oil)
• आवळा किंवा आवळा पावडर (Amla or Powder)
• कडूलिंब (Neem)
• शेवग्याची पाने (Moringa leaves)

तेल कसे तयार करावे?

• हे तेल तयार कारण्यासाठी सर्वप्रथम दोन जास्वंदाची फुले आणि आठ ते नऊ जास्वंदाची पाने घ्या
• आता या दोन्ही साहित्यांना एकत्र करून यांची एक पेस्ट तयार करून घ्या
• एका पॅनमध्ये थोडे खोबरेल तेल टाका आणि गरम करत ठेवा
• आता या तेलात जास्वंदाची पेस्ट टाका आणि मिक्स करा
• नंतर यात एक चमचा मेथी किंवा मेथीचे दाणे टाका आणि मिक्स करा
• यानंतर तयार मिश्रणात एक चमचा आवळा किंवा आवळा पावडर आणि कढीपत्ता टाका
• मग यात कडूलिंब आणि शेवग्याची पाने टाका आणि सर्वकाही नीट एकत्र करा
• हे सर्व मिश्रण थोड्या वेळ नीट उकळवून घ्या आणि मग गॅस बंद करून याला थंड करून घ्या
• शेवटी एका जार किंवा बॉटलमध्ये हे तेल साठवून ठेवा
• केस धुण्याआधी या तेलाने नियमित आपल्या केसांची मसाज करा

Web Title: Mira rajput suggested hair oil for strong and silky hairs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com