नागपंचमीला बनवा पारंपरिक पद्धतीने झटपट तयार होणाऱ्या पाटवड्या, वाचा चविष्ट रेसिपी

नागपंचमी हा श्रावणात येणारा पहिला सण आहे. या दिवशी बहीण भावासाठी उपवास करते. नागाची पूजा करून हा उपवास सोडला जातो. या दिवशी घरामध्ये नैवेद्यासाठी वेगवेगळे पदार्थ बनवले जातात. बदलत्या ऋतूनुसार आहारात सुद्धा बदल केला जातो. पुरणाचे दिंड, गव्हाची खीर, पातोळ्या , पाटवड्या बनव्याची परंपरा अनेक वर्षांपासून आहे. त्यामुळे आम्ही तुम्हाला पाटवड्या बनवायची सोपी रेसिपी सांगणार आहोत. हा पदार्थ नक्की बनवून पहा.

महाराष्ट्रातील वेगवेगळ्या भागांमध्ये सण उत्सव तिथे असलेल्या परंपरेनुसार साजरे केले जातात. 9 ऑगस्ट ला संपूर्ण राज्यभरात सगळीकडे नागपंचमी हा सण साजरा केला जाणार आहे. या दिवशी नाग देवतांची पूजा करून नैवेद्य दाखवला जातो. या दिवशी पातोळ्या, गव्हाची खीर, पुरणाचे दिंडे, बाजरीचे दिवे इत्यादी अनेक पदार्थ बनवले जातात. नागपंचमीच्या दिवशी तवा, सूरी या वस्तू वापरायच्या नसतात. महाराष्ट्रातील बहुतांश भागात नागपंचमीच्या दिवशी पाटवड्या केल्या जातात. बेसनाच्या पिठापासून तयार केलेल्या पाटवड्या चवीलासुद्धा छान लागतात. त्यामुळे यंदाच्या नागपंचमीला तुम्ही सुद्धा पाटवड्या नक्की बनवून पहा. चला तर जाणून घेऊया पाटवड्या बनवण्याची सोपी रेसिपी.

साहित्य:

• बेसन पीठ
• हिंग
• मीठ
• दही
• तेल
• मिरची
• आलं
• पिठीसाखर
• कोथिंबीर
•  सुख खोबर

हे देखील वाचा: नागपंचमीच्या सणाला बनवा पौष्टिक चवदार गव्हाची खीर, वाचा सोपी रेसिपी

कृती:

• पाटवड्या बनवण्यासाठी सर्वप्रथम बेसनाचे पीठ चाळून त्यात चवीनुसार मीठ टाकून मिक्स करून घ्या.
• मिक्स करून झाल्यानंतर त्यात हिंग, हळद, थोडीशी पिठीसाखर घालून पुन्हा एकदा मिक्स करून घ्या.
• त्यानंतर त्यात आंबट ताक घालून मिक्स करा. जास्त ताक मिश्रणामध्ये घालू नये.
• तयार केलेल्या मिश्रणात हिरवी मिरची आणि आल्याची पेस्ट घालून पुन्हा एकदा मिक्स करा.
• कढईमध्ये दोन ते तीन चमचे तेल घालून गरम करून घ्या. गरम तेलात मोहरी फोडणीसाठी घाला.
• नंतर त्यात हळद आणि डाळीचे मिश्रण ओतून मिक्स करा. हे मिश्रण सतत चमच्याच्या सहाय्याने ढवळत राहा.
• मिश्रण घट्टसर झाल्यानंतर 5  मिनिटं वाफ काढून गॅस बंद करा.
• ताटाला तेल लावून त्यात डाळीचे मिश्रण पसरवून घ्या. नंतर त्यावर खोबर आणि कोथिंबीर टाका.
• सगळ्यात शेवटी वड्या कापून सर्व्ह करा.