नागपंचमीच्या सणाला बनवा पौष्टिक चवदार गव्हाची खीर, वाचा सोपी रेसिपी

नागपंचमीच्या दिवशी नागाची पूजा करून नैवेद्य दाखवला जातो. तसेच अनेक महिला उपवास सुद्धा करतात. श्रावण महिना सुरु झाल्यानंतर सगळीकडे एक वेगळीच लगबग असते. सर्व महिला नटूनथटून श्रावणातील प्रत्येक सोमवारी शिव मूठ वाहण्यासाठी शंकराच्या मंदिरात जातात. तसेच नागपंचमीच्या दिवशी पुरणाचे दिंड, गव्हाची खीर, पातोळ्या इत्यादी गोडाचे अनेक पदार्थ बनवले जातात.

नागपंचमीला बनवा पौष्टिक गव्हाची खीर

Follow Us:

Follow Us:

श्रावणातील पहिला सण म्हणजे नागपंचमी. यंदाच्या वर्षी 9 ऑगस्टला नागपंचमी आहे. नागपंचमीच्या दिवशी नागाची पूजा करून नैवेद्य दाखवला जातो. तसेच अनेक महिला उपवास सुद्धा करतात. श्रावण महिना सुरु झाल्यानंतर सगळीकडे एक वेगळीच लगबग असते. सर्व महिला नटूनथटून श्रावणातील प्रत्येक सोमवारी शिव मूठ वाहण्यासाठी शंकराच्या मंदिरात जातात. तसेच नागपंचमीच्या दिवशी पुरणाचे दिंड, गव्हाची खीर, पातोळ्या इत्यादी गोडाचे अनेक पदार्थ बनवले जातात. बदलत्या ऋतूनुसार आहारात सुद्धा बदल केला जातो. दरवर्षी नागपंचमीच्या दिवशी गव्हाची खीर बनवली जाते. गव्हाची खीर हा पारंपरिक पदार्थ असून गाव खेड्यात सर्वच ठिकाणी बनवला जातो. त्यामुळे आज आम्ही तुम्हाला सोप्या पद्धतीमध्ये गव्हाची खीर कशी बनवायची याची रेसिपी सांगणार आहोत. यंदाच्या नागपंचमीला गव्हाची खीर नक्की बनवून पहा.(फोटो सौजन्य-istock)

साहित्य:

• एक वाटी गहू
• दूध
• वेलची पावडर
• काजू, बदाम
• मनुका
• गूळ
• तूप

हे देखील वाचा: नागपंचमीला बनवा खास कोकणी हळदीच्या पानातील पातोळ्या, रेसिपी आहे सोपी

कृती:

• गव्हाची खीर बनवण्यासाठी सर्वप्रथम गहू पाखडून स्वच्छ करून घ्या. त्यानंतर रात्रभर पाण्यात गहू भिजत ठेवा.
• रात्रभर गहू भिजवून ठेवल्यानंतर कुकरमध्ये गहू टाकून त्यात 3 ग्लास पाणी टाकून 7 ते 8 शिट्टया काढून घ्या.
• गहू व्यवस्थित शिजल्यानंतर ते मिक्सरमधून बारीक करून घ्या किंवा रवीच्या सहाय्याने फेटून घ्या.
• त्यानंतर कढईमध्ये 4 ते 5 चमचे तूप टाकून गरम करून घ्या. गरम तुपात सुका मेवा परतून घ्या.
• नंतर त्यात बारीक करून घेतलेले गहू टाकून व्यवस्थित शिजवून घ्या. गहू शिजल्यानंतर त्यात अर्धा वाटी गूळ टाकून मिक्स करा.
• गूळ व्यवस्थित मिक्स करून झाल्यानंतर त्यात वेलची पावडर आणि काजू बदाम टाकून पुन्हा एकदा मिक्स करा.
• खीर शिजताना पाणी टाका. पाणी टाकून खीर व्यवस्थित शिजल्यावर गॅस बंद करून घ्या.
• खीर थंड झाल्यानंतर त्यात दूध घालून मिक्स करा.

Web Title: Nagpanchami make nutritious and tasty wheat pudding on the festival of nagpanchami

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com