दिवसाला ६० सिगारेटची सवय! नाना पाटेकरांनी असे सोडले स्मोकिंगचे व्यसन; स्वतःच सांगितला होता ‘तो’ अनुभव

Nana Patekar : नाना पाटेकर यांचे ८ आक्टोबर रोजी हृदयविकाराच्या झटक्याने निधन झाले. त्यांना सिगरेटचे वाईट व्यसन होते. एकेकाळी दिवसाला ६० सिगरेट ओढणाऱ्या नानांनी एका क्षणातच ही सवय मोडली. यामागचे नेम

• नाना पाटेकर यांना सिगारेटचे इतके व्यसन होते की, त्यांच्या रोजच्या सवयीबद्दल जाणून तुम्हालाही आश्चर्य वाटेल.
• अनेक वर्षांच्या धूम्रपानाच्या सवयीतून बाहेर पडण्याचा निर्णय त्यांनी घेतला, पण त्यामागे एक भावनिक प्रसंग होता.
• नेमकी कोणती घटना नानांच्या मनाला भिडली आणि त्यांनी सिगारेट सोडण्याचा निर्णय कसा घेतला?

चित्रपटसृष्टीतील नटसम्राट आज आपल्यात नाही. नाना पाटेकर यांच्या निधनाने फक्त चित्रपटसृष्टीलाच नाही तर अनेक प्रेक्षकांनाही धक्का दिला. ८ ऑक्टोबर २०२६ रोजी त्यांचे निधन झाले आणि याच दिवशी त्यांते अंतिम संस्कारही पार पडले. त्यांना हृदयविकाराचा झटका आला होता. पण तुम्हाला माहितीये का? नानांना स्मोकिंगचे वाईट व्यसन जडले होते. तुम्हाला जाणून आश्चर्य वाटेल पण रिपोर्ट्सनुसार, नाना त्यावेळी दिवसाला तब्बल ६० सिगरेट ओढायचे. तथापि, असे काय घडलं की सिगरेट इतकी वाईट सवय नानांनी एका झटक्यात सोडून दिली. चला याचा किस्सा जाणून घेऊया.

बाजूला सारा गोवा, यंदा भेट द्या रत्नागिरीला भेट… बीच, किल्ले ते रानमेव्यापर्यंत इथे मिळेल अनेक गोष्टींचा अनुभव

कसा घेतला स्मोकिंगला टाटा-बाय-बाय करण्याचा निर्णय?

सांगितले जाते की, नाना पाटेकर ५६ वर्षांच्या वयापर्यंत स्मोकिंग करत होते. त्यांना सिगरेटची इतकी वाईट सवय लागली होती की, ते दिवसाला ६० सिगरेट ओढायचे. नी एका खाजगी वेबसाइटला सांगितले की, २००७-२००८ मध्ये त्यांना सिगरेट पिणे पूर्णत: सोडून दिले. नानांनी सांगितले की, हा निर्णय त्यांनी अचानक घेतला. एके दिवशी सकाळी ते उठले आणि त्यांनी स्वत:ला सांगितले की, आता सिगरेट नाही.

भावनिक कारण ठरले कारणीभूत?

नाना पाटेकर यांनी २०१५ मध्ये टाइम्स एंटरटेनमेंटला एक मुलाखत दिली होती. यात त्यांनी सिगरेट सोडण्याचे मुख्य कारण स्पष्ट केले. यात त्यांनी सिगरेट सोडण्यामागे एक भावनिक कारण असल्याचे सांगितले. यानुसार, त्यांच्या मैत्रीणीने (बहिणीसारख्या) तिचा एकुलता एक मुलगा गमावला होता आणि नानांना त्यावेळी सतत खोकला यायचा. यावर मैत्रीणीने नानांना म्हटले की, ठाऊक नाही आता आणखी काय काय पहावं लागणार आहे? या वाक्याचा नानांच्या मनावर खोल परिणाम झाला आणि त्यांनी सिगरेट सोडण्याचा निर्णय घेतला.

जागतिक मानसिक आरोग्य दिन: मानसिक शांततेसाठी महाराष्ट्रातील सर्वोत्तम ५ ठिकाणे! निसर्गाच्या सान्निध्यात करा मायंड रिसेट

नाना पाटेकर यांचा गोव्यातील राहत्या घरात अकस्मात मृत्यू झाला. त्यांना अचानक हृदयविकाराचा झटका आला ज्यानंतर नानांना रुग्णालयात दाखल करण्यात आले. इथे बरेच प्रयत्न केल्यानंतरही जेव्हा शुद्ध आली नाही तेव्हा डाॅक्टरांनी त्यांना मृत घोषित केले. महाराष्ट्राचे सांस्कृतिक कार्य मंत्री आशिष शेलार यांनी जाहीर केले की, महाराष्ट्र सरकार अभिनेत्यावर शासकीय अंत्यसंस्कार करेल. दुपारी ४ वाजताच्या सुमारास पुण्यातील त्यांच्या फार्महाउसवर अंत्यसंस्काराचे विधी पार पडले आणि इथेच त्यांनी शेवटची श्रद्धांजली वाहिली गेली.