रूम फ्रेशनरचा वापर करताय? 'या' गंभीर आजारांचा वाढतोय धोका; जाणून घ्या आरोग्यासाठी किती आहे घातक!
रुम फ्रेशनरमध्ये काय असते?
रुम फ्रेशनरच्या आत सुगंध देणारे काही केमिकलयुक्त घटक असतात जे आरोग्याला हानी पोहचवण्याचे काम करत असतात. जसे की व्होलॅटाईल ऑरगॅनिक कंपाऊंड्स (VOCs), जे हवा ताजी करतात, आणि डायक्लोरोबेंझिनसारखी इतर रसायने. स्प्रे केल्यानंतर रुम फ्रेशनरमधील हे कण काही काळ हवेत तरंगत असतात आणि मग श्वास घेताना नाकावाटे ते आपल्या शरीरात जाऊ शकतात. याचा परिणाम प्रत्येक व्यक्तीनुसार बदलू शकतो. अधिक प्रमाणात याच्या संपर्कात आल्याने डोळे, नाक आणि गळ्यात जळजळसारख्या समस्या उद्भवू शकतात. यामुळे काहींना डोकेदुखी, चक्कर येणे आणि अस्वस्थ वाटणे यांसारख्या समस्या जाणवू शकतात. याचबरोबर लहान मुले, वृद्ध आणि श्वासासंबंधित त्रास असणाऱ्यांना रुम फ्रेशनरमुळे अधिक त्रास जाणवू शकतो.
अतिवापरामुळे श्वासाच्या समस्यांना आमंत्रण मिळू शकते
रुम फ्रेशनरचा अधिक वापर श्वासासंबंधित समस्यांना आणखी वाढवण्याचे काम करतो. ज्या लोकांना आधीपासून दमा किंवा संसर्गाचा त्रास आहे त्यांच्यासाठी रुम फ्रेशनरचा सुगंध खोकला, छातीत जडपणा आणि श्वास घेण्यास होणारा त्रास वाढवू शकते. खोलीत स्प्रे केल्यानंतर तत्काळ त्या भागात जास्त वेळ थांबणे चांगले मानले जात नाही. खास करुन लहान खोल्यांमध्ये या स्प्रे थोडा कमीच वापर करावा. रुम फ्रेशनर वापरल्यास खोलीची खिडकी उघडी ठेवा जेणेकरुन नैसर्गिक हवा येण्यास मदत होईल आणि खोलीत हवा खेळती राहिल.
रुम फ्रेशनरचा वापर करताना या गोष्टी ध्यानात ठेवा
.png "Videos"){kind=small}
