Sankashti Special : तेच तेच बोरिंग पदार्थ सोडा, यंदा उपवासाला बनवा टेस्टी बटाटा पॅटिस 

Upvas Potato Patis Recipe : रविवारी संकष्टी आल्याने अनेकांचा हिरमोड झाला आहे. उपवासाचे तेच तेच पदार्थ खाऊन कंटाळा येतो अशावेळी तुम्ही खमंग असे बटाटा पॅटिस उपवासाला बनवून खाऊ शकता. 

• रविवारी संकष्टी आल्याने अनेकांचा नॉनव्हेज खाण्याचा प्लॅन फ्लॉप झाला आहे
• पण टेन्शन कशाला तुम्ही उपवासाचे चविष्ट पदार्थही ट्राय करू शकता
• उपवासाचे बटाटा पॅटिस चवीला फार छान लागतात

अनेकजण नित्यनियमाने संकष्टीला आपल्या उपवासाची प्रथा पूर्ण करतात. उपवास म्हटलं की आपल्याला उपवासाचे तेच तेच पदार्थ आठवू लागतात. अनेकदा सारखे सारखे तेच पदार्थ खाऊन कंटाळा येतो. उपवासाच्या दिवसांत हलके, पोटाला आरामदायक आणि पटकन तयार होणारे पदार्थ शोधणे नेहमीच आव्हानात्मक असते. विशेषत: सकाळी उपवास करून कामावर जाणे असेल किंवा दुपारच्या वेळी काहीतरी झटपट पण चविष्ट हवे असेल, तर बटाट्याच्या पॅटिस हा एक परफेक्ट पर्याय ठरतो.

बटाटा हा उपवासातील सर्वात विश्वासू घटक मानला जातो, तो लवकर शिजतो, पोट पटकन भरतो आणि इतर उपवासाच्या मसाल्यांसोबत त्याची चव अप्रतिम जुळते. वरून पातळ तळलेली पट्टी कुरकुरीत आणि आतून मऊसर अशी ही पातीस खायला अप्रतिम लागते. ती नारळी चटणी, दही किंवा हिरवी मिरची यांसोबत छान लागते. उपवासातही चवदार आणि समाधान देणारा हा पारंपरिक महाराष्ट्रीयन स्नॅक नक्की करून बघा.

Recipe : भाजी काय बनवावी ते सुचत नाहीये? मग चिंता सोडा आणि घरी बनवा रसरशीत ‘पापडाची भाजी’

साहित्य

• उकडलेले बटाटे – 4 मध्यम
• मीठ – चवीनुसार
• हिरव्या मिरच्या – 2 बारीक चिरलेल्या
• शेंगदाणा कूट – ½ कप
• साखर – ½ टीस्पून (ऑप्शनल)
• लिंबाचा रस – 1 टीस्पून
• जिरे – ½ टीस्पून
• कोथिंबीर – 2 टेबलस्पून बारीक
• तळण्यासाठी तेल

आंबवलेले पदार्थ खायचा कंटाळा आला असेल तर सोप्या पद्धतीमध्ये सकाळच्या नाश्त्यात बनवा मसूर डाळीचा कुरकुरीत डोसा

कृती

• यासाठी सर्वप्रथम उकडलेले बटाटे सोलून एका भांड्यात नीट मॅश करून घ्या. गुठळ्या राहणार नाहीत याची काळजी घ्या.
• या मिश्रणात बारीक चिरलेल्या हिरव्या मिरच्या, जिरे, कोथिंबीर, साखर, लिंबाचा रस आणि मीठ घाला.
• शेंगदाणा कूट मिसळून हे मिश्रण घट्ट आणि हाताला न चिकटणारं करा. आवश्यक असल्यास थोडं शेंगदाणा कूट वाढवा.
• तवा गरम करून त्यावर हलकं तेल पसरवा. बटाट्याचे मिश्रण हाताने छोटे गोळे बनवून पॅटिसच्या आकारात चपटे करा.
• हे पॅटिस तव्यावर दोन्ही बाजूंनी हलक्या हाताने सोनेरी आणि कुरकुरीत होईपर्यंत शेकून घ्या.
• मध्यम आचेवर शेकल्यास पातीस आतूनही नीट शिजते आणि बाहेरून कुरकुरीत राहते.
• गरमागरम पॅटिस दही, नारळ-शेंगदाण्याची चटणीसोबत खाण्यासाठी सर्व्ह करा.