Recipe : भाजी काय बनवावी ते सुचत नाहीये? मग चिंता सोडा आणि घरी बनवा रसरशीत ‘पापडाची भाजी’

Papad Subji Recipe : भारताच्या अनेक भागात पापडाची चमचमीत भाजी तयार करुन खाल्ली जाते. याची चव फार अप्रतिम लागते आणि रेसिपी फार झटपट तयार होते. तुम्ही ही डिश ट्राय केली नसेल तर एकदा नक्की बनवून खा.

(फोटो सौजन्य – Youtube)

Follow Us:

Follow Us:

• भारतीय खाद्यसंस्कृतीत पापडाचं महत्त्व अनन्यसाधारण
• पापडाला नेहमीच साई़ड डिशचा मान मिळत गेला आहे
• तुम्हाला माहिती आहे का? पापडाची भाजी देखील बनवली जाते

एकाच भाजीत मिश्र भाज्यांचा संगम! हिवाळ्यात जरूर बनवून खा गुजराती स्टाईल ‘उंधियो’; रेसिपी नोट करा

साहित्य

• उडीद किंवा मूग पापड – ४ ते ५
• कांदा – १ मध्यम, बारीक चिरलेला
• टोमॅटो – १ मध्यम, बारीक चिरलेला
• आलं–लसूण पेस्ट – १ टीस्पून
• लाल तिखट – १ टीस्पून
• हळद – ¼ टीस्पून
• धणे–जिरे पावडर – १ टीस्पून
• गरम मसाला – ½ टीस्पून
• मोहरी – ½ टीस्पून
• जिरे – ½ टीस्पून
• कढीपत्ता – काही पाने (ऑप्शनल)
• तेल – २ टेबलस्पून
• मीठ – चवीनुसार
• पाणी – १ ते १½ कप
• कोथिंबीर – सजावटीसाठी

कृती

• यासाठी सर्वप्रथम सुरुवातीला पापड हलक्या हाताने थोडे मोडून घ्या किंवा मोठे तुकडे ठेवा.
• कढईत तेल गरम करा आणि त्यात मोहरी, जिरे आणि कढीपत्ता टाकून फोडणी करा.
• आता त्यात कांदा घालून तो सोनेरी होईपर्यंत परता.
• नंतर आलं–लसूण पेस्ट घालून छान परतल्यावर टोमॅटो घाला आणि तो मऊ होईपर्यंत शिजू द्या.
• मसाल्यांसाठी हळद, लाल तिखट, धणे–जिरे पावडर आणि मीठ घाला. हे मिश्रण एक मिनिट छान परता.
• नंतर इच्छेनुसार पाणी घालून थोडं उकळी येऊ द्या. आता गॅस मंद करून त्यात मोडलेले पापड सोडा आणि हलक्या हाताने दाबून मिक्स करा.
• पापड फार जास्त ढवळू नका, नाहीतर त्याच भरीत तयार होईल.
• झाकण ठेवून दोन-तीन मिनिटे भाजी शिजू द्या. अखेरीस गरम मसाला शिंपडा आणि कोथिंबीर घालून भाजी तयार.
• गरमागरम पापडाची भाजी चपाती, भाकरी किंवा गरम भातासोबत अप्रतिम लागते.

Web Title: Do you know how to make tasty papad subji at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com