Shravan 2026 : श्रावणात शंकराला अर्पण करा साजूक तूपातला शिरा, अशी आहे पांरपारिक रेसिपी

Recipe : खमंग तूपात भाजलेला गोडसर शिरा खायला कुणाला आवडत नाही. श्रावणात तुम्हीही शंकराची पूजा करत असाल तर नैवेद्यासाठी रव्याचा शिरा एक चांगला पर्याय ठरेल. चला नोट करुन घेऊयात याची रेसिपी.

• श्रावण महिना भगवान शंकराला अर्पण केला जातो.
• शंकराच्या पूजेत प्रसादासाठी तुम्ही रव्याचा शिरा तयार करु शकता.
• यात निवडक साहित्य आणि फार कमी वेळेची गरज लागते.

श्रावण महिना हा भगवान शिवाच्या भक्तीसाठी विशेष मानला जातो. या पवित्र महिन्यात अनेक भाविक सोमवारच्या दिवशी उपवास, पूजा आणि अभिषेक करून महादेवाला आवडते नैवेद्य अर्पण करतात. शंकराच्या पूजेसाठी गोड पदार्थ बनवण्याचा विचार करत असाल तर रव्याचा शिरा तुमच्यासाठी सोपा, सहज तयार होणारा आणि पारंपारिक पर्याय ठरेल. फार पूर्वीपासून पूजेच्या प्रसादासाठी साजूक तूपात भाजलेला रव्याता शिरा बनवण्याची प्रथा आहे.

Shravan Special Recipe: ५ मिनिटांमध्ये उपवासासाठी खास बनवा वरीच्या तांदळाचे घावण, नोट करा रेसिपी

घरच्या घरी तयार केलेला साजूक तुपातला शिरा हा नैवेद्यासाठी एक सोपा आणि स्वादिष्ट पर्याय आहे. रवा, साजूक तूप, साखर आणि वेलची यांसारख्या साध्या साहित्यापासून हा शिरा तयार करता येतो. तुपाचा सुगंध आणि वेलचीची चव शिऱ्याची चव आणखी खुलवते. श्रावणातील शिवपूजेनंतर महादेवाला नैवेद्यात अर्पण करण्यासाठी ही रेसिपी एक चांगला पर्याय ठरेल.

साहित्य :

• १ वाटी बारीक रवा
• १/२ वाटी साखर
• ३-४ चमचे साजूक तूप
• २ वाट्या गरम पाणी
• २-३ वेलची पूड
• थोडे काजू-बदाम (ऑप्शनल)
• थोडे केशर (ऑप्शनल)
• सुकामेवा

Recipe : साध्या चपातीला बनवा चवदार, तुम्ही कधी खाल्ली आहे का ‘मिस्सी रोटी’? , रेसिपी नोट करा

कृती :

• कढईत साजूक तूप गरम करून त्यात रवा घाला.
• मंद आचेवर रवा सोनेरी रंगाचा होईपर्यंत व्यवस्थित भाजून घ्या.
• दुसऱ्या भांड्यात पाणी गरम करून ते भाजलेल्या रव्यात सावधपणे घाला.
• रवा शिजेपर्यंत सतत ढवळत राहा, जेणेकरून गुठळ्या होणार नाहीत.
• रवा मऊ झाल्यावर त्यात साखर घालून चांगले मिसळा.
• शिरा घट्ट होऊ लागल्यावर वेलची पूड आणि केशर घाला.
• सुकामेवा हलका तेलात तळा आणि याचे बारीक तुकडे करून घ्या.
• आता सुक्यामेव्याचे हे तुकडे शिऱ्यात घाला आणि व्यवस्थित मिसळा.
• शिरा तुप सुटेपर्यंत शिजवून घ्या. गॅस बंद करून एका वाटीत खाण्यासाठी सर्व्ह करा.