चॉकलेट प्रेमींसाठी खास! घरीच सोप्या पद्धतीने बनवा थंडगार आणि गोडसर Chocolate Ice Cream

थंडी आणि चॉकलेटचा एकदम भन्नाट संगम! त्वरित नोट करा घरगुती आणि चविष्ट चॉकलेट आईस्क्रीम रेसिपी. ही रेसिपी फार सोपी असून तुम्ही जेवणानंतर कुटुंबासह याचा गोड आस्वाद घेऊ शकता.

चॉकलेट हा एक असा पदार्थ आहे जो सर्वांनाच खायला फार आवडतो. चॉकलेटपासून अनेक पदार्थ बनवले जातात पण यातील सर्वात खास आणि सर्वांच्या आवडीचा पदार्थ म्हणजे चॉकलेट आईसक्रीम! आपण लहानपणापासून हा पदार्थ खात आलो आहोत. ही थंडगार स्वीटडिश लहानांपासून मोठ्यांपर्यंत सर्वांनाच खायला फार आवडते अशात आज आम्ही तुमच्यासाठी याची एक सोपी रेसिपी घेऊन आलो आहोत.

पिकलेलं केळ खायला आवडत नाही? मग १० मिनिटांमध्ये झटपट बनवा केळीचे खमंग आप्प्पे, नोट करा रेसिपी

चॉकलेट प्रेमींना चॉकलेट आईस्क्रीम आवडत नाही असं होतच नाही! थंड, गोडसर आणि चॉकलेटी चव असलेलं हे आईस्क्रीम लहानांपासून मोठ्यांपर्यंत सगळ्यांच्या मनात घर करतं. बाजारातून आणण्यापेक्षा घरीच बनवलेलं चॉकलेट आईस्क्रीम अधिक आरोग्यदायी आणि चविष्ट असतं. कोणत्याही सण-समारंभात किंवा उन्हाळ्यातील खास वेळी ही रेसिपी नक्कीच जादू निर्माण करते.चला तर मग जाणून घेऊया यासाठी लागणारे साहित्य आणि कृती.

साहित्य:

• फुल फॅट दूध – 2 कप
• साखर – 1/2 कप
• कोको पावडर – 1/4 कप
• कॉर्नफ्लोअर – 2 टेबलस्पून
• डार्क चॉकलेट – 100 ग्रॅम (चिरलेली)
• व्हॅनिला इसेन्स – 1 टीस्पून
• फ्रेश क्रीम – 1/2 कप

संध्याकाळ होईल आणखीन मजेदार; घरी बनवा चवदार अन् थंडगार दहीवडा, खूप सोपी आहे रेसिपी

कृती:

• चॉकलेट आईसक्रीम बनवण्यासाठी सर्वप्रथम एका पातेल्यात 1.5 कप दूध गरम करत ठेवा. बाकीचं अर्धा कप दूध एका भांड्यात ठेवा.
• उरलेल्या अर्धा कप दुधात कोको पावडर आणि कॉर्नफ्लोअर मिसळून गाठी राहणार नाहीत याची काळजी घेत मिक्स करा.
• गरम होत असलेल्या दुधात हळूहळू हे कोको-कार्नफ्लोअरचं मिश्रण घालून सतत ढवळा.
• त्यात साखर आणि चिरलेलं डार्क चॉकलेट घालून मिक्स करत राहा. मिश्रण घट्ट होईपर्यंत मध्यम आचेवर शिजवा.
• गॅस बंद करून थोडं थंड झाल्यावर त्यात व्हॅनिला इसेन्स आणि फ्रेश क्रीम घालून मिक्स करा.
• हे मिश्रण पूर्ण थंड झाल्यावर डब्यात ओतून झाकण लावून फ्रीजरमध्ये 6–8 तास ठेवून द्या.
• अधिक क्रीमी टेक्सचरसाठी एकदा सेट झाल्यावर हे आईस्क्रीम बाहेर काढून ब्लेंड करा आणि पुन्हा फ्रीजमध्ये ठेवा.
• हवे असल्यास तुम्ही त्यात चॉकलेट चिप्स, ड्राय फ्रूट्स किंवा ओरेओ बिस्किट्सही मिसळू शकता.
• चॉकलेटची स्ट्रॉंग चव देण्यासाठी डार्क कोको पावडर वापरू शकता.