Sri Sri Ravi Shankar यांनी गरोदर महिलांना दिला सल्ला, सहज पार कराल गरोदरपणाचा 9 महिन्यांचा प्रवास

गाणी ऐकावीत 

श्री श्री रविशंकर म्हणाले की गर्भवती महिलांनी संगीत ऐकावे. हे त्यांच्यासाठी खूप फायदेशीर आहे. विशेषतः जर तुम्ही झोपण्यापूर्वी वाद्य संगीत ऐकले तर तुम्हाला बरे आणि सकारात्मक वाटेल. अनेकदा गर्भवती महिलांना पहिले सहा महिने मूड स्विंग्जचा सामना करावा लागतो आणि अशावेळी चांगली गाणी ऐकणे हे महिलांच्या मूडसाठी आणि तुलनेने बाळासाठीही अत्यंत चांगले ठरते. संपूर्ण ९ महिने तुम्ही देवाची वा सकारात्मक गाणी ऐकलीत तर त्याचा बाळावरही चांगला परिणाम होत असल्याचे दिसून येईल

मासिक पाळीदरम्यान शारीरिक संबंध ठेवल्यास महिला गरोदर राहू शकतात का? काय सांगतात तज्ज्ञ

भयपट पाहू नका 

श्री श्री रविशंकर यांनी गरोदरपणात भयपट चित्रपट न पाहण्याचा सल्ला दिला आहे. त्यांच्या मते, गर्भवती महिलांनी असे दृश्ये पाहू नयेत ज्यात खूप भांडणे होतात. तसेच अशी दृश्ये पाहणे टाळा ज्यानंतर तुम्हाला लाज वा भीती वाटेल. आपण जे पाहतो आणि करतो त्याचा बाळावर परिणाम होत असतो. त्यामुळे ९ महिन्यात सातत्याने सकारात्मक रहा आणि भयपट पाहणे टाळा

कपड्यांचा रंग महत्त्वाचा 

श्री श्री रविशंकर यांच्या मते, गर्भवती महिलांसाठी हिरवा रंग चांगला मानला जातो. गरोदरपणात महिलांनी शक्य तितके हिरवे कपडे घालावेत. एवढेच नाही तर तुमच्या सभोवतालच्या हिरव्या रंगाच्या वस्तूंचाही समावेश करण्याचा प्रयत्न करा आणि लाल रंग परिधाना करणे टाळा. अर्थात, लाल रंग हा महिलांचा आवडता रंग आहे, परंतु या काळात महिलांनी राखाडी आणि लाल रंगांपासून दूर राहावे. कारण हे दोन्ही रंग गर्भवती महिलेच्या मेंदूवर नकारात्मक परिणाम करू शकतात.

गरोदर महिलांसाठी हळदीच्या दुधाचे ‘हे’ फायदा वाचाल तर चकित व्हाल

अन्य सल्ले

• महिलांनी गरोदरपणात चांगले आणि पौष्टिक खाणे खावे 
• सर्वांशी चांगले वागावे आणि पोटातील गर्भाशी बोलतानाही चांगले बोलावे
• हायजीन पाळावे आणि दिवसातून दोन वेळा आंघोळ करावी जेणेकरून मनासह शरीरही स्वच्छ राहील 
• रोज सकाळ संध्याकाळ आपल्या बाळाशी बोलताना मंत्र आणि श्लोक म्हणावे आपल्याला येत नसतील तर युट्यूब वा रेकॉर्डवर अनेक भक्तीगीतं असतात ती ऐकावीत आणि बाळाला ऐकवावीत 
• गरोदरणा हा आजार नाही त्यामुळे कितीही मूड स्विंग्ज असले तरीही घरातील सर्व कामं आपल्याला झेपतील त्यानुसार करावीत. सतत झोपून राहू नये 
• आळस हा माणसाचा कायमचा शत्रू आहे. गरोदरणात याला जास्त जवळ करू नका. आपल्या बाळाचा जन्म नैसर्गिक व्हायला हवा असेल तर नियमित चालणे, घरातील कामे करणे शेवटच्या महिन्यापर्यंत टाळू नका 
• सकारात्मक वातावरण बाळाला मिळेल याचा प्रयत्न करा आणि सतत सकारात्मक विचार करावा 

काय सांगतात श्री श्री रवी शंकर See more