Strawberry Mango Overnight Oats: चवीला आरोग्याची जोड, सकाळच्या नाश्त्याला बनवा स्ट्राबेरी मँगो ओव्हरनाईट ओट्स

एक आरोग्यदायी, स्वादिष्ट आणि झटपट तयार होणारा नाश्ता! स्ट्रॉबेरीचा आंबटपणा, हापूस आंब्याची गोड चव आणि ओट्समधील पौष्टिक गुण तुमच्या सकाळच्या नाश्त्याला आणखीनच परफेक्ट बनवते. स्टेप बाय स्टेप रेसिपी जाणून घ्या.

सकाळचा नाश्ता पौष्टिक, चवदार आणि झटपट हवा असेल तर ही रेसिपी खास तुमच्यासाठी आहे. उन्हाळ्याचा ऋतू सुरु झाला आहे, या ऋतूत बाजारात अनेक सिजनल फ्रुट्स येतात. यापैकीच एक लोकप्रिय फळ म्हणजे आंबा. याला फळांचा राजाही म्हटले जाते… तर याच फळांच्या राजापासून आज आपण एक पौष्टिक आणि चवदार असा नाश्ता तयार करणार आहोत. आजच्या आपल्या रेसिपीचे नाव आहे स्ट्राबेरी मँगो ओव्हरनाईट ओट्स! नावाप्रमाणेच सहज, सोपा आणि झटपट तयार होणारा हा नाश्ता सकाळच्या नाश्त्यासाठी एक उत्तम पर्याय आहे.

मिक्सर किंवा इतर कोणत्याही भांड्याचा वापर न करता १० मिनिटांमध्ये बनवा चविष्ट आमरस आमरस, नोट करा रेसिपी

आपल्या जिभेचे चोचले पुरवण्यासाठी आणि आरोग्यासाठी फायदेशीर अशी ही रेसिपी शेफ ‘मझहर सैय्यद’ यांनी शेअर केली आहे. आजच्या धावपळीच्या जीवनशैलीत आरोग्य सांभाळणं तितकंच महत्त्वाचं आहे. पारंपरिक पोळी-भाजी किंवा उपमा-शिरा यासारख्या नाश्त्यांइतकीच ही नवीन पद्धतीची रेसिपी शरीराला भरपूर ऊर्जा देते. कोणत्याही कृत्रिम गोष्टींचा वापर न करता, घरच्या घरी सहज बनवता येणारा हा पदार्थ लहानांपासून मोठ्यांपर्यंत सर्वांनाच फार आवडेल. आंबा आणि स्ट्रॉबेरी या गोडसर फळांच्या संगमामुळे याला एक फ्रेश आणि ट्रॉपिकल चव मिळते आणि ओव्हरनाइट ओट्स तुम्हाला ऊर्जा देणारे आणि पचनास हलके ठरते. चला तर मग, झोपण्याआधी काही मिनिटांतच हे हेल्दी ओट्स तयार करून, सकाळी एक स्वादिष्ट सुरुवात करूया!

साहित्य

• १ कप ओट्स
• १ टेबलस्पून चिया सीड्स
• ½ कप स्ट्रॉबेरी ग्रीक दही
• ¼ कप बदामाचे दूध
• १ टेबलस्पून स्ट्रॉबेरी शॉर्टकेक काजू बटर
• १ संपूर्ण आंबा, चिरलेला
• १ कप ताजे स्ट्रॉबेरी, चिरलेली

French Toast: फ्रांसचा नाश्ता आता तुमच्या घरी; 5 मिनिटांतच बनवा फ्रेंच टोस्टची रेसिपी

कृती

• घरच्या घरी स्ट्राबेरी मँगो ओव्हरनाईट ओट्स बनवण्यासाठी सर्वप्रथम एक बाऊल घ्या
• या बाऊलमध्ये ओट्स आणि चिया सीड्स टाका
• आता यात बदामाचे दूध आणि स्ट्रॉबेरी ग्रीक दही घालून सर्व साहित्य व्यवस्थित मिक्स करा
• यानंतर यात स्ट्रॉबेरी शॉर्टकेक काजू बटर टाका आणि मिक्स करा
• आता तयार मिश्रणातील अर्धा भाग काचेच्या कंटेनरमध्ये अथवा ग्लासमध्ये टाका
• पहिला थर लावल्यांनंतर दुसऱ्या थरासाठी यात पिकलेल्या आंब्याचे आणि स्ट्रॉबेरीचे तुकडे टाका, हे मिक्स करण्याची गरज नाही
• मग यावर ओट्सचा उरलेला भाग पसरवा आणि झाकण बंद करा
• हा कंटेनर अथवा ग्लास रात्रभर फ्रिजमध्ये ठेवून द्या
• रात्रभर भिजवलेले हे ओट्स सर्व फ्लेवर्स चांगले शोषून घेते ज्यामुळे सकाळी एक उत्तम चव प्राप्त होते
• सकाळी कंटेनर फ्रिजमधून बाहेर काढा आणि यावर पुन्हा एकदा फ्रेश आंबा-स्ट्रॉबेरीचे तुकडे पसरवा
• सर्व साहित्य हळूवारपणे ढवळा आणि पौष्टिक चवीचा आनंद लूटा

घरबसल्या अशा हेल्दी पदार्थांचा आस्वाद घेण्यासाठी तुमच्या अस्मिता ऑरगॅनिक फार्म्सच्या ऑफिशियल वेब साईटला भेट देऊ शकता. asmitaorganicfarm.com