पार्टी असो वा संध्याकाळची क्रेव्हिंग; स्टफ्ड चीज गार्लिक ब्रेड तुम्हाला नाराज करणार नाही, नोट करा रेसिपी

तुम्ही मुलांच्या टिफिनसाठीही हा पदार्थ तयार करू शकता. मैद्यापासून तयार केलेल्या ब्रेडमध्ये तुम्ही चिली, चीजचे मिश्रण घालता आणि मग त्याला बेक करता. याची चव तुम्हाला हा पदार्थ पुन्हा पुन्हा बनवण्यास भाग पाडेल. काहीतरी नवीन चवदार बनवून खायचे असेल तर यंदाच्या विकेंडला ही रेसिपी नक्की ट्राय करा. चला जाणून घेऊया यासाठी लागणारे साहित्य आणि कृती.

साहित्य:

ब्रेड साठी:

• मैदा – 2 कप
• साखर – 1 टेबलस्पून
• सुकं यीस्ट – 1 टेबलस्पून
• कोमट दूध – ½ कप
• कोमट पाणी – ¼ कप
• मीठ – ½ टीस्पून
• ऑलिव तेल – 2 टेबलस्पून

• किसलेलं मोजरेला चीज – 1 कप
• चीज स्लाइस – 2-3 (ऐच्छिक)
• बारीक चिरलेला लसूण – 1 टेबलस्पून
• बारीक चिरलेली कोथिंबीर – 2 टेबलस्पून
• चिल्ली फ्लेक्स – 1 टीस्पून
• मिक्स हर्ब्स (ऑरेगॅनो, थायम, इटालियन सीझनिंग) – 1 टीस्पून
• बटर – 2 टेबलस्पून

• गार्लिक ब्रेड बनवण्यासाठी सर्वप्रथम एका बाऊलमध्ये कोमट दूध, साखर आणि यीस्ट घालून 10 मिनिटे झाकून ठेवा. मिश्रण फसफसल्यावर यीस्ट अ‍ॅक्टिव्ह झालं आहे हे समजते.
• मैदा, मीठ, यीस्टचं मिश्रण आणि तेल एकत्र करून थोडं थोडं कोमट पाणी घालून मऊ पीठ मळून घ्या. झाकून 1 तास ठेवा जेणेकरून पीठ फुलेल.
• यानंतर एका बाऊलमध्ये किसलेलं चीज, लसूण, कोथिंबीर, चिल्ली फ्लेक्स, आणि मिक्स हर्ब्स एकत्र करा.
• पीठ फुगल्यानंतर त्याला पुन्हा थोडं मळा. आता त्याची एक जाडसर पोळी लाटून त्यावर चीजचं स्टफिंग पसरवा.
• अर्ध्या भागावरच ठेवा आणि दुसऱ्या अर्ध्या भागाने झाकून द्या. कडा दाबा.
• बटरमध्ये लसूण आणि कोथिंबीर मिक्स करून ब्रेडच्या वरती लावा. त्यावर पुन्हा थोडे हर्ब्स शिंपडा.
• ओव्हन 180°C वर प्रीहीट करा. ब्रेड 20-25 मिनिटं किंवा सोनेरी होईपर्यंत बेक करा.
• ब्रेड थोडं थंड झाल्यावर त्याचे स्लाइस करून गरमागरम चीज गार्लिक ब्रेड सॉस किंवा केचपसोबत सर्व्ह करा.
• ओव्हन नसेल तर हॉट पॅनमध्ये झाकण ठेवून मंद आचेवर शेकता येतो.
• हवे असल्यास तुम्ही त्यामध्ये स्वीट कॉर्न, कांदा, किंवा मिरपूड घालून स्टफिंग बदलू शकता.

FAQs (संबंधित प्रश्न)

ब्रेडसोबत कोणते चीज चांगले आहे?
चेडर चीज

संबंधित बातम्या