Summer Special : उन्हाळ्यात घरी बनवा कॅफे स्टाईल ‘माॅकटेल’, चवीसोबतच शरीरालाही ठेवेल हायड्रेट

Mocktail Recipe : ऊन्हाळ्यात तेच तेच फ्रुट ज्यूस कशाला? यंदा काहीतरी नवीन ट्राय करा आणि घरी बनवा टेस्टी, रिफ्रेशिग चवीचा माॅकटेल. महागड्या किमतील विकले जाणारे हे ड्रिंक तुम्ही घरीच सहज तयार करु शकता.

• ऊन्हाळ्यात शरीरात पाण्याची पातळी कमी होऊ लागते ज्यामुळे डिहायड्रेशनची समस्या जाणवू लागते.
• या उष्ण वातावरणात अनेक निरनिराळ्या ड्रिंक्स सेवन केले जातात.
• अशात आज आपण घरच्या घरी टेस्टी, रिफ्रेशिंग असे माॅकटेल कसे तयार करायचे ते जाणून घेणार आहोत.

ऊन्हाळ्याच्या दिवसांत शरीराला थंडावा देणारे आणि ताजेतवाने ठेवणारे पेय पिण्याची गरज अधिक जाणवते. अशा वेळी मॉकटेल हा एक उत्तम पर्याय ठरतो. मॉकटेल म्हणजे अल्कोहोलशिवाय बनवलेले आकर्षक, रंगीत आणि चविष्ट पेय. हे पेय फक्त चविष्टच नसून शरीराला हायड्रेट ठेवण्यास मदत करते. घरच्या घरी सहज उपलब्ध फळे, ज्यूस आणि काही साध्या घटकांपासून तुम्ही विविध प्रकारचे मॉकटेल तयार करू शकता.

फ्लाइटमध्ये आता ‘सोफा कम्फर्ट’! नवीन सीट डिझाइनने प्रवास होणार अधिक आरामदायी

मॉकटेलचे खास वैशिष्ट्य म्हणजे त्याची सादरीकरणाची शैली. रंग, चव आणि सुगंध यांचा सुंदर मिलाफ असल्यामुळे हे पेय पाहताक्षणीच मन मोहून टाकते. पार्टी, समारंभ किंवा दैनंदिन वापरासाठीही मॉकटेल एक उत्तम पर्याय आहे. आज आपण सोपी आणि ताजेतवाने करणारी “फ्रूट मॉकटेल” रेसिपी पाहणार आहोत.

साहित्य

• 1 कप संत्र्याचा ज्यूस
• 1/2 कप डाळिंबाचा ज्यूस
• 1/2 कप अननसाचा ज्यूस
• 1 टेबलस्पून लिंबाचा रस
• 1-2 टेबलस्पून साखर (चवीनुसार)
• सोडा किंवा स्पार्कलिंग वॉटर
• बर्फाचे तुकडे
• पुदिन्याची पाने
• सजावटीसाठी फळांचे तुकडे (संत्रा, अननस, डाळिंब)

भारतात नाही तर या देशात पर्वतांमध्ये वसलं आहे भगवान ‘हनुमानाचं मंदिर’, इथे घडते श्रद्धेचे अनोखे दर्शन

कृती

• सर्वप्रथम एका मोठ्या ग्लासमध्ये बर्फाचे तुकडे घाला.
• त्यात संत्र्याचा, डाळिंबाचा आणि अननसाचा ज्यूस ओता.
• आता त्यात लिंबाचा रस आणि साखर घालून नीट हलवा.
• मिश्रण चांगले एकजीव झाल्यावर त्यात सोडा किंवा स्पार्कलिंग वॉटर घाला.
• पुन्हा एकदा हलक्या हाताने ढवळून घ्या.
• वरून पुदिन्याची पाने आणि फळांचे तुकडे घालून सजवा.
• तयार मॉकटेल लगेच सर्व्ह करा आणि थंडगार चवीचा आनंद घ्या.
• साखरेऐवजी मध वापरल्यास चव अधिक नैसर्गिक लागते.
• विविध फळांचे ज्यूस वापरून नवीन फ्लेवर्स तयार करू शकता.
• अधिक थंडावा हवा असल्यास बर्फाचे प्रमाण वाढवा.
• हे सोपे आणि रंगीत मॉकटेल घरच्या घरी बनवून तुम्ही कुटुंबासोबत किंवा पाहुण्यांसोबत खास क्षण अधिक आनंददायी करू शकता.