महिलांमध्ये का वाढतोय हृदयविकाराचा झटका? जाणून घ्या लक्षणे

चुकीची जीवनशैली, खाण्यापिण्याच्या चुकीच्या सवयी, अपुरी झोप, मानसिक तणाव इत्यादी सगळ्याचा परिणाम आरोग्यावर दिसून आल्यानंतर हृद्य विकारासारखे गंभीर आजार होण्याची शक्यता असते. मागील अनेक वर्षांपासून महिलांमध्ये ह्रयद्याविकाराचा झटका येणायचे प्रमाण वाढले आहे. आरोग्यासंबंधित काही लक्षणे दिसू लागल्यानंतर अनेक महिला त्यांच्याकडे दुर्लक्ष करतात. पण या आजारांकडे दुर्लक्ष केल्यामुळे पुढे जाऊन गंभीर समस्या उद्भवण्याची शक्यता असते.

घरातील स्त्रियांवर कामाची जबादारी असल्यामुळे त्यांना आपल्या आरोग्याकडे लक्ष देण्यासाठी वेळ मिळत नाही. महिला आरोग्याकडे दुर्लक्ष करतात. कधीही जेवणे, सतत काम करत राहणे, अपुरी झोप इत्यादींचा परिणाम आरोग्यावर लगेच दिसून येतो. आरोग्याकडे दुर्लक्ष केल्यामुळे छोटे आजारांचे रूपांतर मोठ्या आजारांमध्ये होते. त्यामुळे महिलांनी आपल्या आरोग्याकडे लक्ष देणे फार गरजेचे आहे. कामाचा वाढलेला ताण आणि कुटुंबाची जबादारी या सगळ्यामध्ये महिला पूर्णपणे गुंतून गेल्या आहेत. पण मागील काही वर्षांपासून महिलांमध्ये हृदयाशी संबंधित आजारांमध्ये वाढ झाली आहे. हृदयविकाराचा झटका येण्याची लक्षणे दिसू लागल्यानंतर सुद्धा लक्ष देईल जात नाही. त्यामुळे आज आम्ही तुम्हाला महिलांमध्ये हृद्यविकाराचा झटका येण्यापूर्वी कोणती लक्षणे दिसून येतात, याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य-istock)

महिलांमध्ये दिसून येणारी हृदयविकाराची लक्षणे:

छाती दुखणे:

छातीमध्ये दुखणे हे हृदयविकाराचा झटका येण्यामागचे प्रमुख लक्षण आहे. पण सहसा याकडे दुर्लक्ष केले जाते. छातीमध्ये दुखी लागल्यानंतर छातीत दाब, घट्टपणा किंवा दाबल्यासारखे वाटू लागते. अशी अस्वस्थता जास्त काळ राहिल्यामुळे हृद्यासंबंधित गंभीर समस्या उद्भवू शकते.

हे देखील वाचा: अचानक एखाद्या व्यक्तीस Heart Attack आल्यास काय करावे? ‘हा’ उपाय वाचवेल प्राण

शरीराच्या इतर भागांमध्ये वेदना होणे:

हृदयविकाराचा झटका येण्यापूर्वी शरीरातील इतर भागांमध्ये वेदना होण्यास सुरुवात होते. खांदे, हात, पाठ, मान, जबडा किंवा पोटात अस्वस्थता जाणवणे इत्यादी समस्या जाणवू लागतात. शारीरिक हालचाली केल्यानंतर अंग दुखणे.

सतत घाम येणे:

अस्पष्ट घाम येणे हे सुद्धा हृदयविकाराच्या झटक्याचे लक्षण आहे. तसेच सतत थकवा जाणवू लागल्यानंतर श्वास घेण्यास सुद्धा त्रास होऊ लागतो. हृदयविकाराचा झटका येण्याच्या आठवडाभर आधी ही सर्व लक्षणे जाणवू लागतात. त्यामुळे या लक्षणांकडे दुर्लक्ष न करता डॉक्टरांच्या सल्ल्याने औषध उपचार करणे गरजेचे आहे.

हे देखील वाचा: तुम्ही Heart Attack च्या विळख्यातून किती वेळा वाचू शकता? लक्षणे आणि उपाय जाणून घ्या

डोके दुखणे:

डोकं हलकं वाटणे, मळमळ होणे, कधीकधी उलट्या होणे इत्यादी लक्षणे जाणवू लागल्यानंतर तातडीने डॉक्टरांचा सल्ला घेऊन औषध उपचार घ्यावे.  मेंदू आणि पचनसंस्थेला रक्तपुरवठा कमी झाल्यानंतर सुद्धा ही लक्षणे जाणवू लागतात.

 

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.