दातांचा पिवळेपणा घालविण्यासाठी काय करावे (फोटो सौजन्य - iStock)
सकाळी उठल्यावर दात स्वच्छ करणे हे पहिले आणि सर्वात महत्वाचे काम आहे. जर दात व्यवस्थित स्वच्छ केले नाहीत तर दात पिवळे पडणे, दातांची पोकळी तयार होणे आणि दातांशी संबंधित इतर समस्या उद्भवू शकतात. अशा परिस्थितीत, दात योग्यरित्या आणि योग्य गोष्टींनी स्वच्छ करणे महत्वाचे आहे. जर दात व्यवस्थित घासले नाहीत तर तोंड बॅक्टेरियासाठी त्यांचे घरच होऊ शकते.
हे जीवाणू अन्नासोबत पोटात जातात आणि आरोग्य बिघडवतात. अशा परिस्थितीत, सेलिब्रिटी न्यूट्रिशनिस्ट रायन फर्नांडो आपल्याला सकाळी दात कधी घासायचे आणि कसे घासायचे ते सांगतात. दात स्वच्छ करण्यासाठी कोणते दोन उपाय वापरले जाऊ शकतात हे देखील रायनने सांगितले, जाणून घेऊया (फोटो सौजन्य – iStock)
दात स्वच्छ करण्याची योग्य पद्धत
दात कसे स्वच्छ करावे
तज्ज्ञांच्या मते, सकाळी उठण्यानंतर आणि नाश्ता करण्यापूर्वी दात घासून स्वच्छ करावेत. जर तुम्ही जेवणानंतर दात घासले नाहीत तर तुमच्या दातांमध्ये जमा होणारे बॅक्टेरिया मेंदूपर्यंत पोहोचू शकतात आणि मेंदूला नुकसान पोहोचवू शकतात.
याशिवाय, सकाळी ऑईल पुलिंग आणि टंग क्लीनरने जीभ स्वच्छ करणेदेखील खूप महत्वाचे आहे. दात स्वच्छ करण्यासाठी या २ गोष्टींचा वापर करता येतो. या गोष्टी म्हणजे लवंग आणि नीम दातून (कडुलिंबाची काडी). तज्ज्ञांचे म्हणणे आहे की या दोन्ही गोष्टी तोंडाचे आरोग्य राखण्यासाठी प्रभावी आहेत. तसेच, रात्री झोपण्यापूर्वी दात घासायला विसरू नका.
रोज ब्रश करूनही दातांवर साचतोय पिवळा थर? कारण आणि सोपे घरगुती उपाय
दातांसाठी लवंगेचे फायदे
लवंगेचे गुणधर्म, कसा कराल वापर
घरगुती उपचारांमध्ये लवंगांचा वापर अनेकदा केला जातो. लवंगामध्ये नैसर्गिक भूल देणारे, अँटीसेप्टिक आणि अँटीइन्फ्लेमेटरी गुणधर्म भरपूर असतात. लवंग तोंडाला अँटीबॅक्टेरियल गुणधर्मदेखील प्रदान करते, ज्यामुळे तोंडातील बॅक्टेरिया दूर राहतात.
लवंग चावल्याने दातदुखी दूर होते, दात पांढरे होण्यास मदत होते आणि पिवळेपणा कमी होतो, यासोबतच, लवंग हिरड्यांच्या समस्या दूर करण्यासाठी प्रभावी आहे. दात दुखत असेल सर्वात पहिले घरगुती उपाय म्हणून लवंगेचाच वापर केला जातो. यामुळे दातातील कीड मरते आणि तात्पुरती दातदुखी थांबते.
दातांसाठी कडुलिंबाच्या काडीचे फायदे
नीम दातूचे फायदे
कडुलिंबाची काडी किंवा ज्याला नीम दातून म्हटले जाते ते दातांच्यामध्ये चावले जाते. यामुळे दात चांगले स्वच्छ होतात आणि तोंडाला इतर अनेक फायदेदेखील मिळतात. कडुलिंबाची काडी हिरड्या मजबूत करते. हे अँटीबॅक्टेरियल आणि अँटी-इंफ्लेमेटरी गुणधर्मांनी समृद्ध आहे. यामुळे दातांवर जमा होणारा पिवळा रंग निघून जातो आणि दात पांढरे होऊ लागतात. तोंडाचे एकूण आरोग्य राखण्यासाठी नीम दातून वापरता येतो.
दात पिवळे पडत चाललेत? घरगुती उपाय करून पहा, मोत्यासारखे चमकतील दात
काय आहे रायनची पोस्ट
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
.png "Videos"){kind=small}
