यंदाच्या विकेंडला साऊथ इंडियन नाश्त्याचा बेत; घरी बनवा सॉफ्ट आणि मसालेदार Ghee Podi Idli; चवीनेच मन होईल खुश

उरलेली इडली खायचा कंटाळा आला असेल तर यापासून चविष्ट, मसालेदार आणि कुरकुरीत अशी पोडी इडली बनवून पहा. ही रेसिपी सकाळच्या नाश्त्यासाठी किंवा टिफिनसाठी एक उत्तम पर्याय आहे.

नाश्त्याचा विचार आला की प्रत्येकाच्या डोळ्यांसमोर साऊथ इंडियन पदार्थ म्हणजेच इडली, डोसा हे पदार्थ येतात. हे असे पदार्थ आहेत जे सर्वांनाच नाश्त्यात खायला फार आवडतात. प्रत्येकाच्या घरी विकेंडला इडली-डोसाचा प्लॅन हा बनतोच. अशातच आज आम्ही तुमच्यासाठी या पदार्थाचीच एक नवीन आणि ट्रेंडिंग डिश घेऊन आलो आहोत, ज्याचे नाव आहे पोडी इडली!

पावसाळ्यात गरमागरम वाफाळत्या भातासोबत बनवा आंबट-गोड चवीचे वरण, थंडीत घ्या चविष्ट जेवणाचा आस्वाद

घी पोडी इडली ही एक लोकप्रिय दक्षिण भारतीय डिश आहे, जी विशेषतः तमिळनाडूमध्ये खूप प्रसिद्ध आहे. ‘पोडी’ म्हणजे एक विशिष्ट प्रकारची कोरडी चटणी ज्यात तूर डाळ, उडद डाळ, लाल मिरच्या आणि इतर मसाले असतात. ही चटणी इडलीवर टाकून तुपात किंवा तेलात परतवली जाते. चवीला हा पदार्थ फार अप्रतिम, झणझणीत आणि मसालेदार लागतो. तीच तीच इडली खाऊन कंटाळा आला असेल तर ही टेस्टी पोडी इडली एकदा नक्की ट्राय करा. चला जाणून घेऊया यासाठी लागणारे साहित्य आणि कृती.

साहित्य

• इडल्या – ८ ते १० (शिजवून थंड केलेल्या, कापून छोटे तुकडे केलेले)
• तूर डाळ – २ टेबलस्पून
• उडद डाळ – २ टेबलस्पून
• सुकी लाल मिरची – ४ ते ५
• हिंग – १ चिमूट
• मीठ – चवीनुसार
• तेल – १ चमचा
• तीळ – १ चमचा (ऐच्छिक)
• तूप किंवा तेल – २ टेबलस्पून
• कढीपत्ता – काही पाने
• मोहरी – १/२ चमचा
• हळद – १/४ चमचा

Palak Paneer Recipe: चवीला मजेदार आणि पौष्टिक असा हॉटेलचा लोकप्रिय पदार्थ आता घरीच बनवा

कृती

• पोडी इडली तयार करण्यासाठी सर्वप्रथम आपण याचा पोडी मसाला तयार करणार आहोत, हा मसाला तुम्हाला विकतही मिळू शकतो
• आता एका पॅनमध्ये थोडं तेल गरम करून तूर डाळ, उडद डाळ, लाल मिरच्या, हिंग आणि तीळ घालून मध्यम आचेवर सोनेरी रंग येईपर्यंत भाजा. थंड झाल्यावर मिक्सरमध्ये चवीनुसार मीठ घालून दरदरीत पूड तयार करा.
• एक पॅनमध्ये तूप/तेल गरम करा. त्यात मोहरी टाका. फडफडली की कढीपत्ता आणि हळद घाला.
• त्यात आधीपासून तयार इडलीचे तुकडे घाला आणि हलक्या हाताने परता.
• आता त्यावर तयार केलेली (किंवा बाजारातून आणलेली) पोडी चटणी आवडीनुसार घालून सर्वकाही नीट एकत्रित मिसळून घ्या.
• वरून झाकण ठेवून २-३ मिनिटं मध्यम आचेवर तुपाचा वास येईपर्यंत याला छान परतून घ्या.
• तुमची तयार पोडी इडली गरमा गरम खाण्यासाठी सर्व्ह करा
• ही इडली तुम्ही नारळाची चटणी किंवा अशीच देखील खाण्यासाठी सर्व्ह करू शकता.
• पोडी इडलीसाठी जुना इडलीचा उपयोग केल्यास ती जास्त चांगली लागते कारण ती थोडी कोरडी होते.
• पोडी मसाल्याचे प्रमाण आपल्या झणझणीत आवडीनुसार ठरवा.