जेवण बनवायचा कंटाळा आलाय? मग झटपट फक्त 5 मिनिटांत घरी बनवा टेस्टी Herbed Corn Rice

आपण रोजच्या भातापासून काहीतरी वेगळं आणि चविष्ट बनवू इच्छित असाल, तर हर्ब्ड कॉर्न राईस ही रेसिपी नक्कीच उपयोगी ठरेल. मका दाण्याचा गोडसर स्वाद, सुगंधी हर्ब्सचे मिश्रण आणि गरमागरम भात यांचे हे परिपूर्ण संयोजन आहे. ही रेसिपी झटपट तयार होते आणि लहानांपासून मोठ्यांपर्यंत सर्वांना आवडते. ही डिश लंच, डिनर किंवा पार्टी मेनूमध्ये देखील आकर्षक ठरते. चला जाणून घेऊया यासाठी लागणारे साहित्य आणि कृती.

साहित्य:

• तांदूळ (शिजवलेले) – २ कप
• मका दाणे (स्वीट कॉर्न) – १ कप (उकडून)
• बारीक चिरलेला कांदा – १ मध्यम
• बारीक चिरलेला लसूण – १ टेस्पून
• ऑलिव्ह ऑईल / बटर – २ टेबलस्पून
• ओरेगानो – ½ टिस्पून
• मिक्स हर्ब्स (थायम, बेसिल, रोजमेरी) – ½ टिस्पून
• मिरी पूड – ¼ टिस्पून
• मीठ – चवीनुसार
• कोथिंबीर/ पार्सली – सजावटीसाठी

कृती:

• यासाठी सर्वप्रथम तांदूळ पाण्याने स्वछ धुवून घ्या
• यांनतर एका कुकरमध्ये किंवा एका पातेल्यात तांदूळ, पाणी आणि मीठ घालून भात शिजवून घ्या
• तुम्ही शिळ्या भातापासूनही ही रेसिपी तयार करू शकता
• मका दाणे थोडे पाणी घालून स्टीम किंवा उकडून बाजूला ठेवा.
• आता एका कढईत ऑलिव्ह ऑईल किंवा बटर गरम करा.
• त्यात बारीक चिरलेला लसूण आणि कांदा घालून सोनेरी होईपर्यंत परतवा.
• त्यात ओरेगानो, मिक्स हर्ब्स, मिरी पूड आणि मीठ घालून १ मिनिट परतवा.
• आता उकडलेले कॉर्न घालून नीट मिक्स करा.
• शिजवलेला तांदूळ घालून सर्व साहित्य एकत्र करा. मंद आचेवर २-३ मिनिटे परतवा.
• वरून चिरलेली कोथिंबीर घालून भात चांगला ढवळा आणि गॅस बंद करा
• हव्यास असल्यास थोडं चीजही घालू शकता.
• ब्राऊन राईस किंवा बासमती तांदूळ वापरून हे अधिक हेल्दी बनवता येते.

FAQs (संबंधित प्रश्न)

कॉर्न राईसचे काय फायदे आहेत?
याचे सेवन रक्तातील वाईट कोलेस्ट्रॉल (LDL) कमी करते आणि आणि चांगले कोलेस्ट्रॉल (HDL) कोलेस्ट्रॉल वाढवते.

संबंधित बातम्या