चमकदार दातांसाठी महागड्या ट्रीटमेंट करत असाल तर थांबा! ‘हा’ घरगुती उपाय केल्यास दातांवरील पिवळेपणा कायमचा होईल नष्ट

दातांच्या स्वच्छतेकडे लक्ष देणे फार आवश्यक आहे. दातांवर वाढलेला पिवळेपणा कमी करण्यासाठी कायमच महागड्या ट्रीटमेंट करण्याऐवजी घरगुती उपाय करावेत. यामुळे दात स्वच्छ होतात आणि दुर्गंधीपासून सुटका मिळते.

दातांवर पिवळेपणा वाढण्याची कारणे?
दात स्वच्छ करण्यासाठी उपाय?
दातांना कीड लागण्याची कारणे?

शरीराच्या स्वच्छतेप्रमाणे दातांच्या स्वच्छतेकडे लक्ष देणे सुद्धा फार आवश्यक आहे. कारण दातांमध्ये वेदना किंवा कीड लागत नाही, तोपर्यंत दातांच्या स्वच्छतेकडे आणि दातांच्या समस्यांकडे अजिबात लक्ष दिले जात नाही. दातांवर वाढलेला पिवळेपणा, दात किडणे, दातांवर पांढरा थर जमा होणे, हिरड्यांमध्ये खड्डे पडणे इत्यादी समस्या वाढू लागतात. चहा, कॉफी, तंबाखू, स्मोकिंग आणि ओरल आरोग्याची व्यवस्थित काळजी न घेतल्यामुळे दातांमध्ये अस्वच्छता वाढते आणि दातांच्या समस्या वाढतात. दातांवर साचून राहिलेल्या पिवळ्या थरामुळे काहीवेळा चारचौघांमध्ये हसताना किंवा बोलताना सुद्धा लाजिरवण्यासारखे वाटते.(फोटो सौजन्य – istock)

Iodine Deficiency: आयोडीनची कमतरता ठरू शकते धोकादायक! शरीरावर होतात ‘हे’ गंभीर परिणाम

दातांवर वाढलेला पिवळा किंवा पांढरा थर कमी करण्यासाठी महागड्या ट्रीटमेंट करण्याचा पर्याय निवडला जातो. पण वारंवार दातांच्या स्वच्छतेसाठी महागड्या ट्रीटमेंट करणे फायद्याचे नाही. म्हणूनच आज आम्ही तुम्हाला दातांच्या वाढत्या समस्यांपासून आराम मिळवण्यासाठी कोणत्या पदार्थांचा वापर करावा, याबद्दल सविस्तर माहिती सांगणार आहोत. हे पदार्थ स्वयंपाक घरात कायमच उपलब्ध असतात. दातांच्या स्वच्छतेसाठी कायमच महागड्या ट्रीटमेंट करण्याऐवजी घरगुती उपाय सुद्धा करून पाहावेत. यामुळे पिवळेपणा कमी होण्यासोबतच दात पांढरेशुभ्र होतील.

दातांवर पिवळेपणा कशामुळे वाढतो?

जीवनशैलीत होणारे, वारंवार चहा किंवा कॉफीचे सेवन, कमी पाणी पिणे, गुटखा, स्मोकिंग आणि योग्य पद्धतीने ब्रश न करणे इत्यादी अनेक गोष्टींमुळे दातांवर पिवळा किंवा पांढरा थर वाढू लागतो. यामुळे तोंडाला दुर्गंधी सुद्धा येते. त्यामुळे दातांच्या वरच्या भागावर पिवळा थर म्हणजे प्लॅक जमा होण्यास सुरुवात होते. हा थर ब्रश केल्यानंतर काही वेळासाठी निघून जातो. मात्र पुन्हा एकदा दात पिवळे दिसू लागतात.

वयाच्या ५० व्या वर्षीसुद्धा कायमच राहाल फिट आणि हेल्दी! आतडे स्वच्छ करण्यासाठी नियमित खा ‘हे’ खास पदार्थ, शरीराला मिळेल पोषण

दातांवर वाढलेला पिवळेपणा कमी करण्यासाठी उपाय:

दातांवर वाढलेला पिवळेपणा कमी करण्यासाठी बाजारातून कोणतेही चूर्ण विकत आणण्याची अजिबात आवश्यकता नाही. घरात असलेले शुद्ध मोहरीचे तेल आणि सैंधव मीठ हे दोन खूप प्रभावी आहेत. वाटीमध्ये मोहरीचे तेल घेऊन त्यात चिमूटभर बारीक वाटलेले सैंधव मीठ घालून मिक्स करा. तयार केलेले मिश्रण व्यवस्थित मिक्स करून बोटांच्या मदतीने दातांवर लावून काहीवेळ तसेच ठेवा आणि हलक्या हाताने घासून घ्या. त्यानंतर कोमट पाण्याने गुळण्या करून घ्या. सैंधव मिठामध्ये नैसर्गिकरीत्या अँटी-बॅक्टेरियल गुणधर्म असतात तर मोहरीचे तेल हिरड्या मजबूत करण्यास मदत करते. यामुळे हिरड्या मजबूत राहतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.