पांढरे केस काळे करण्यासाठी बीटच्या रसात मिक्स करा ‘हे’ पदार्थ, केस होतील काळेभोर

कमी वयात केस पांढरे होणे ही एक सामान्य समस्या आहे. महिलांप्रमाणे पुरुषांचे केस सुद्धा कमी वयात पांढरे होण्यास सुरुवात होते. केस पांढरे झाल्यानंतर अनेकदा महिलांचा आत्मविश्वास कमी होऊ लागतो. त्यामुळे आज आम्ही तुम्हाला पांढरे केस काळे करण्यासाठी काही घरगुती उपाय सांगणार आहोत. हे उपाय केल्यामुळे तुमचे पांढरे केस काळे होतील. काळ्या केसांसाठी बीटरूट रसाचा या पद्धतीने वापर करा.

पूर्वीच्या काळी वयाच्या साठी मध्ये महिला आणि पुरुषांचे केस पांढरे होत होते. पण हल्ली बदललेल्या जीवनशैलीमुळे आणि खाण्यापिण्याच्या चुकीच्या सवयींमुळे कमी वयातच केस पांढरे होऊ लागले आहेत. केस पांढरे झाल्यानंतर कोणतीही हेअर स्टाईल केल्यानंतर केस चांगले दिसत नाहीत. तर अनेकदा पांढऱ्या केसांमुळे महिलांना आत्मविश्वास सुद्धा कमी होतो. केस पांढरे झाल्यानंतर महिला किंवा मुली बाजारात मिळणाऱ्या वेगवेगळ्या शॅम्पू हेअर कलर किंवा हेअर डाईजचा वापर करतात. तर काही मुली पूर्णपणे केसांना रंग लावतात. असे केल्यामुळे काहीकाळ केस सुंदर आणि चमकदार दिसतात. मात्र कालांतराने केसांच्या गुणवत्तेवर त्याचे चुकीचे परिणाम दिसून येतात. त्यामुळे आज आम्ही तुम्हाला पांढरे केस काळे करण्यासाठी बीटच्या रसात कोणते पदार्थ मिक्स करून लावावे, याबद्दल सांगणार आहोत. चला तर जाणून घेऊया.(फोटो सौजन्य-istock)

हे देखील वाचा: त्वचेवर पार्लरसारखी चमक येईल घरीच! १ वाटी दह्याचा वापर करून ‘या’ पद्धतीने बनवा दही फेशिअल

पांढऱ्या केसांवर बीटचा वापर कसा करावा?

बीटरूटमध्ये असलेले गुणधर्म त्वचा आणि केसांचे आरोग्य सुधारण्यासाठी मदत करतात. बीटमध्ये अँटिऑक्सिडंट्स आणि पोषक घटक आढळून येतात, ज्यामुळे केसांची वाढ होऊन केस निरोगी राहतात. बीटमध्ये विटामिन सी, ई आणि कॅरोटीन सारखे अँटीऑक्सिडंट आढळून येतात, ज्यामुळे पांढरे झालेले केस काळे होण्यास मदत होते. विटामिन सी युक्त बीटमध्ये सिलिका असते. यामुळे टाळूवरील केसांचे रक्तभिसरण सुरळीत होण्यास मदत होते.

बीट हेअर मास्क बनवण्याची सोपी पद्धत:

साहित्य:

• बीट
• आवळा पावडर
• ऑलिव्ह तेल
• आल्याचा रस

हे देखील वाचा: सतत चष्मा लावून नाकावर काळे डाग आले आहेत? डाग घालवण्यासाठी ‘हे’ घरगुती उपाय नक्की करा

कृती:

• बीट हेअर मास्क बनवण्यासाठी सर्वप्रथम बीटचे बारीक तुकडे करून मिक्सरमधून वाटून रस काढून घ्या.
• रस काढून झाल्यानंतर त्यात आवळ्याची पावडर आणि ऑलिव्ह तेल तेल मिक्स करा.
• शेवटी तयार मिश्रणात आल्याचा रस टाकून पुन्हा एकदा मिक्स करून घ्या.
• तयार केलेला हेअर मास्क केसांच्या टोकांपासून टाळूवर सगळीकडे व्यवस्थित लावून घ्या. यामुळे केस काळे होतील.
• 30 ते 35 मिनिटं ठेवल्यानंतर केस कोमट किंवा थंड पाण्याने स्वच्छ धुवा.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.