उन्हाळ्यात चेहऱ्यावर फार तेल जमा होतं? समस्येपासून अशी मिळवा सुटका

उष्णता, घाम आणि चेहऱ्यावरील तेलकटपणा यामुळे दिवसभर चेहरा चिकट वाटतो. चिकटपणासोबतच त्वचेच्या समस्या जसे पिंपल्स, ब्लिमिशेस इत्यादी देखील होऊ लागतात.

सगळीकडेच सध्या कडक उन्हाळा सुरू आहे. दिवसेंदिवस तापमान वाढत चालले आहे. याचा परिणाम आरोग्यासह त्वतेवरही मोठ्या प्रमाणात होताना दिसत आहे. उन्हाळा हा ऋतू तेलकट त्वचा म्हणजेच ऑयली स्किन असणाऱ्यांसाठी खूपच नुकसानदायक ठरतो. कारण उष्णता, घाम आणि चेहऱ्यावरील तेलकटपणा यामुळे दिवसभर चेहरा चिकट वाटतो. चिकटपणासोबतच त्वचेच्या समस्या जसे पिंपल्स, ब्लिमिशेस इत्यादी देखील होऊ लागतात.

आपला चेहरा स्वच्छ, सुंदर दिसावा अशी आपल्यापैकी बहुतेकांची इच्छा असते, अन्यथा आपल्याला कधीकधी लाजिरवाण्या प्रसंगांना सामोरे जावे लागते. काही घरगुती उपायांनी आपण चेहऱ्यावर चमक आणू शकतो. हे उपाय तेलकट त्वचेसाठी खूप फायदेशीर ठरू शकतात. तेलकट त्वचेचा त्रास असलेल्या लोकांनी त्यांच्या स्किन केअर रूटीनमध्ये २ गोष्टींचा समावेश केला तर त्यांच्या चेहऱ्यावरील चिकटपणा निघून जाईल.

• एक्सफोलिएशन :

तेलकट त्वचेवर मृत पेशी आणि घाण जमा होते, त्यामुळे चेहऱ्यावर मुरुमांची समस्या सुरू होते. तुम्ही आठवड्यातून एकदा स्क्रब करू शकता. पण लक्षात ठेवा की तेलकट त्वचेसाठी स्क्रब करताना विशेष काळजी घेण्याची आवश्यकता असते. त्याच वेळी, तुमच्या स्क्रबमध्ये मेन्थॉल आणि युकॅलिप्टस असणे आवश्यक आहे. ते त्वचेला शांत आणि थंड करण्यास मदत करतात.

• फेस पॅक :

तेलकट त्वचा निरोगी ठेवण्यासाठी फेस पॅकचाही वापर करणे आवश्यक आहे. आठवड्यातून एकदा फेसपॅक वापरून त्वचेला होणारे नुकसान टाळता येते आणि त्वचेला पोषक बनवता येते. तुम्ही मुलतानी माती फेस पॅक, कोरफड आणि हळद फेस पॅक, ओटमील आणि हनी फेस पॅक, बेसन आणि दही फेस पॅक इत्यादी वापरू शकता.