वर्षातून एकदाच व्हिएतनाममध्ये भरतो Love Market, एक्सला भेटायला इथे होते लोकांची गर्दी

प्रेम आणि नात्यांशी जोडलेल्या परंपरा जगभरात पाहायला मिळतात. मात्र व्हिएतनाममधील ‘लव्ह मार्केट’ची परंपरा यापेक्षा काहीशी वेगळी आहे. वर्षातून एकदा होणाऱ्या या आयोजनात जुन्या प्रेमींची भेट होते आणि आठवणींना उजाळा दिला जातो. या अनोख्या परंपरेमागची कथा नेमकी काय आहे?

• वर्षातून एकदा भरते ‘लव्ह मार्केट’; जुन्या प्रेमींची होते भेट
• अपुऱ्या प्रेमकहाणीशी जोडली आहे या अनोख्या परंपरेची कथा
• एक्ससोबत भेटण्यासोबतच नवीन नात्यांच्या शोधासाठीही लोकांची गर्दी

जगभरात प्रेमासाठी अनेक वेगवेगळ्या प्रकारच्या पंरपरा पाळल्या जातात. पण आज आम्ही तुम्हाला व्हियतनाम येथील एक अशी विचित्र परंपरा सांगणार आहोत जिच्याविषयी ऐकून तुम्हाला आश्चर्याचा धक्का बसेल. ही परंपरा एक्स म्हणजेच जुन्या प्रेमीविषयी जोडलेली आहे. माहितीनुसार, व्हिएतनाममधील खाऊ वाई येथे एक लव्ह मार्केट आयोजित केले जाते. हे मार्केट सामान्य बाजाराहून काहीसे वेगळे असून इथे भावना, जुन्या आठवणी आणि स्थानिक संस्कृती यांचा संगम होतो. वर्षातून एकदा आयोजित होणाऱ्या या मार्केटमध्ये लोक आपल्या जुन्या पार्टनरला म्हणजेच एक्सला भेटू शकतात आणि त्यांच्याशी संवाद साधू शकतात.

World Tourism Day 2026 : AI चॅटबोटपासून डिजिटल तिकिटिंगपर्यंत, महाराष्ट्र पर्यटन विभागाची ‘स्मार्ट टुरिझम’कडे वाटचाल

या अनोख्या मार्केटचे आयोजन उत्तर व्हियतनाम येथील गियांग प्रदेशात पार पडते. इथे वेगवेगळ्या समुदायाचे लोक एकत्र येतात. या जागेची खास गोष्ट म्हणजे, इथे जुन्या प्रेमींची भेट घडते. ते एकमेकांसोबत संवाद साधतात आणि मनातील भावना व्यक्त करुन आपल्या नात्यातील चांगल्या आठवणींचे स्मरण करतात. व्हिएतनाममध्ये, या पुनर्मिलनाला एक सामाजिक आणि सांस्कृतिक परंपरा मानले जाते.

एका अपुऱ्या प्रेमकहाणीतून परंपरेला झाली सुरुवात

खाऊ वाई येथील लव्ह मार्केटचा संबंध एका लोककथेशी जोडला जातो. ही कथा दोन समुदायातील प्रियकरांशी जोडलेली आहे. त्यांचे एकमेकांवर अस्सीम प्रेम होते परंतु काैटुंबिक आणि सामाजिक घटकांमुळे त्यांना लग्न करता आले नाही. सांगितले जाते की, वेगळे होण्याआधी त्यांनी दरवर्षी वर्षातून एकदा खाऊ वाई येथे भेटण्याचा निर्णय घेतला होता. आजही, ही कथा या कार्यक्रमाच्या सांस्कृतिक मुळांशी जोडलेली आहे.

फक्त प्रेमीच येत नाही…

व्हियतनामच्या या लव्ह मार्केटमध्ये फक्त प्रेमीच येत नाही तर संभाव्य जीवनसाथीच्या शोधात असलेले विवाहित लोकही येतात. अनेक कुटुंबियही यात सहभाग घेतात. याचाच अर्थ हे आयोजन फक्त नात्यांपुरतेच मर्यादित नसून जुन्या लोकांशी भेटीगाठी आणि नव्या नात्यातील सुरुवातीसाठी ते एक महत्त्वपूर्ण ठिकाण बनते.

ताजमहालहून अनेक पटींनी सुंदर आहे संगमरवरचे हे मंदिर, नक्षीकाम पाहून डोळे राहतील खिळून

कार्यक्रम कधी आयोजित केला आहे?

माहितीनुसार, एप्रिल ते मे महिन्यादरम्यान या कार्यक्रमाचे आयोजन केले जाते. इथे होणाऱ्या भेटीचा अर्थ नात्याची पुन्हा सुरुवात करणे असा नसतो. तर जुन्या वाईट आठवणी विसरुन नव्याने चांगल्या आठवणींना उजाळा देणे आणि आपल्या जुन्या नात्यांचा सन्मान करणे असा याचा उद्देश आहे.