पॅरीस ऑलिम्पिकमध्ये Vinesh Phogat ने रचला इतिहास, शत्रूंना घाम फोडण्यापूर्वी आहारात खाते 2 पदार्थ

Vinesh Phogat Diet: हरियाणाच्या पहलवान विनेश फोगटने पॅरिस ऑलिम्पिकमध्ये भारताचा झेंडा फडकावला आहे. क्युबाच्या कुस्तीपटूला हरवून तिने अंतिम फेरी गाठली आहे. मात्र आपल्या ट्रेनिंगच्या आधी विनेश नक्की काय खाते आणि कशा पद्धतीने स्वतःला फिट ठेवते जाणून घ्या.

पॅरिस ऑलिम्पिक 2024 मध्ये भारताच्या आशा उंचावणारी स्टार कुस्तीपटू विनेश फोगट सुवर्णपदकाच्या लढतीत सामील झाली आहे. अंतिम फेरीत प्रवेश करून त्याने पदक निश्चित केले आहे. विनेशने मंगळवारी महिलांच्या 50 किलो फ्रीस्टाइल स्पर्धेच्या उपांत्य फेरीत क्युबाची कुस्तीपटू युस्नेलिस गुझमनचा पराभव केला.

पण तुम्हाला माहित्ये का? विनेशने हा पराक्रम करण्यासाठी किती मेहनत घेतली आहे आणि तिने कशा पद्धतीने स्वतःला मेंटेन केले असून तिचा नाश्ता काय असतो अथवा ती कुस्ती खेळण्यापूर्वी काय खाते? याबाबत विनेशने स्वतः एका मुलाखतीमध्ये खुलासा केला होता. जेव्हा ती रियो ऑलिम्पिकमध्ये सहभागी होऊ शकली नव्हती तेव्हा तिला डाएटबाबत अनेक गोष्टी शिकायला मिळाल्या आणि याबाबत तिने सांगितले होते. (फोटो सौजन्य – Instagram/iStock) 

विनेशने काय सांगितले

विनेशने मुलाखतीत सांगितले की, ‘मला खरोखर माहीत नव्हते की कोणत्या पदार्थांमध्ये प्रथिने आहेत आणि कोणत्या नाहीत. कधी कधी मी नाश्ताही करत नव्हते आणि नाश्ता न खाता दुपारच्या जेवणात चपाती अथवा रात्री झोपण्यापूर्वी अंडी खात होते. पण आता मी संतुलित आहार घेते. त्याचा परिणाम आज संपूर्ण जग पॅरिस ऑलिम्पिकमध्ये पहात आहे’. तिने प्रशिक्षणापूर्वी ती काय खाते हे देखील सांगितले.

हेदेखील वाचा – सदृढ आरोग्यासाठी घरी बनवा ‘ओट्सचा लाडू’! चवीबरोबरच पोषणही मिळेल, त्वरित रेसिपी नोट करा

विनेशचे डाएट 

विनेश फोगटने सांगितले की, प्रशिक्षणापूर्वी ती सहसा अंडी आणि ओट्स खाते. कधी कधी ती टोमॅटो आणि चपाती खाऊनही ट्रेनिंग घेते. याशिवाय दुपारच्या जेवणात चपाती-भाज्या ज्यामध्ये प्रथिनयुक्त हरभरा, राजमा इत्यादीचा समावेश असून त्यासह दही, कोशिंबीर किंवा फळांचा समावेश असतो. तर रात्रीच्या जेवणात चपाती, हिरव्या भाज्या आणि अंडी खाते. 

ट्रेनिंगपूर्वी कसा असतो नाश्ता 

विनेश फोगट प्रशिक्षणापूर्वी अंडी आणि ओट्सचा नाश्ता करते. अंडी आणि ओट्स दोन्ही प्रथिने आणि कर्बोदकांमधे समृद्ध असतात, जे क्रीडापटूसाठी अत्यंत महत्वाचे पोषण ठरते. अंडी आणि ओट्स दोन्ही पोषक तत्वांनी समृद्ध आहेत आणि शारीरिक हालचालींपूर्वी खाण्यासाठी एक उत्तम पर्याय आहे. यामुळे शरीरात उर्जा राहाते आणि खेळण्यासाठी उत्साहही राहातो. 

हेदेखील वाचा – सकाळची सुरूवात करा हेल्दी खाण्याने, ओट्स खाण्याचे 5 कमालीचे फायदे

अंडे आणि ओट्स खाण्याचे फायदे 

ऊर्जेत वाढ

अंडी आणि ओट्स दोन्ही कार्बोहायड्रेट्सचे चांगले स्त्रोत आहेत, जे तुमच्या शरीराला ऊर्जा देतात. व्यायामापूर्वी याचे सेवन केल्याने तुम्हाला दीर्घकाळ ऊर्जा मिळते आणि तुमचा थकवा कमी होतो.

स्नायूंमध्ये बळकटी

अंडी हा प्रथिनांचा उत्कृष्ट स्रोत आहे, जो स्नायू तयार करण्यासाठी आणि दुरुस्त करण्यासाठी आवश्यक आहे. व्यायामादरम्यान स्नायूंना नुकसान होऊ शकते, म्हणून अंडी खाल्ल्याने त्यांच्या पुनर्प्राप्तीस मदत होते.

रक्तातील साखर स्थिर

ओट्समध्ये फायबर असते जे तुमच्या रक्तातील साखरेची पातळी स्थिर ठेवते. यामुळे तुमच्या रक्तातील साखरेची पातळी कमी होत नाही आणि तुमची ऊर्जा पातळी कायम राहते.

पोट भरलेले ठेवते

अंडी आणि ओट्स दोन्ही पोट भरणारे पदार्थ आहेत. शारीरिक हालचालींपूर्वी काहीतरी खाल्ल्याने तुम्हाला पोट भरल्यासारखे वाटते, जे तुम्हाला एकाग्र होण्यास मदत करते.

संतुलित पोषण

अंडी आणि ओट्समध्ये जीवनसत्त्वे आणि खनिजे देखील असतात, जे तुमच्या शरीराच्या एकूण आरोग्यासाठी चांगले असतात. शारीरिक हालचालींदरम्यान तुमच्या शरीराला या पोषक तत्वांची गरज असते, जे यामुळे पूर्ण होते.