विकेंड करायचाय खास? मग घरी बनवा मसालेदार आणि चमचमीत ‘अंडा बिर्याणी’, रेसिपी आहे फार सोपी

Egg Biryani Recipe : अंडा बिर्याणी तुम्ही कधी खाल्ली आहे का? ही बिर्याणी फार कमी वेळेत तयार होते आणि चवीलाच फार सुंदर लागते. विकेंड काही खास करायचा विचार असल्यास तुम्ही ही रेसिपी फाॅलो करु शकता.

• बिर्याणी हा पदार्थ सर्वांच्याच आवडीचा आहे.
• अंडा बिर्याणी हा फार झटपट बनवली जाते.
• पण याची चव मात्र मनाला आनंद देऊन जाते.

अंडा बिर्याणी हा असा पदार्थ आहे जो साध्या उकडलेल्या अंड्यांना एक वेगळीच शाही चव देतो. सुगंधी बासमती तांदूळ, खमंग मसाले आणि अंड्यांचे परफेक्ट मिश्रण यामुळे ही बिर्याणी प्रत्येकाच्या पसंतीस उतरते.  घरात खास पाहुणे येणार असतील किंवा रविवारच्या जेवणात काहीतरी विशेष बनवायचे असेल, तर अंडा बिर्याणी हा उत्तम पर्याय ठरेल.

Recipe : पोहे, बटाटा आणि बेसनपासून बनवा कुरकुरीत सकाळचा नाश्ता, चव अशी की लहान मुले होतील खुशा

मटण किंवा चिकन बिर्याणीपेक्षा ही बिर्याणी बनवायला तुलनेने सोपी असते, पण तिची चव मात्र तितकीच अप्रतिम असते. मसाल्यांमध्ये मुरलेली अंडी आणि प्रत्येक दाणेदार तांदूळ जेवणाचा आनंद अनेक पटींनी वाढवतात. रायता, सलाड किंवा पापडासोबत सर्व्ह केल्यास ही बिर्याणी आणखी स्वादिष्ट लागते. घरच्या घरी हॉटेलसारखी बिर्याणी बनवायची असेल तर ही रेसिपी नक्की करून पाहा.

साहित्य

• 4 उकडलेली अंडी
• 2 कप बासमती तांदूळ
• 2 मोठे कांदे (बारीक कापलेले)
• 2 टोमॅटो (चिरलेले)
• 2 हिरव्या मिरच्या
• 1 टेबलस्पून आले-लसूण पेस्ट
• 1/2 कप दही
• 1 टीस्पून लाल तिखट
• 1/2 टीस्पून हळद
• 1 टीस्पून गरम मसाला
• 1 टीस्पून बिर्याणी मसाला
• 2 तमालपत्र
• 4 ते 5 लवंगा
• 2 वेलची
• 1 छोटा दालचिनी तुकडा
• 1/2 कप कोथिंबीर
• 1/4 कप पुदिन्याची पाने
• 3 टेबलस्पून तेल किंवा तूप
• मीठ चवीनुसार

सतत बटाटा खाऊन कंटाळा आला आहे? मग १० मिनिटांमध्ये नाश्त्यासाठी बनवा झणझणीत चीज ठेचा पराठा, नोट करा रेसिपी

कृती

• बासमती तांदूळ स्वच्छ धुऊन 20 मिनिटे भिजत ठेवा. नंतर 70 टक्के शिजवून पाणी काढून बाजूला ठेवा.
• कढईत तेल गरम करून त्यात तमालपत्र, लवंगा, वेलची आणि दालचिनी परता. त्यानंतर कांदा घालून सोनेरी रंग येईपर्यंत परता.
• आले-लसूण पेस्ट आणि हिरव्या मिरच्या घालून एक मिनिट परता. मग टोमॅटो घालून मऊ होईपर्यंत शिजवा.
• हळद, लाल तिखट, गरम मसाला, बिर्याणी मसाला आणि मीठ घालून मिश्रण चांगले एकजीव करा.
• दही घालून मसाला दोन मिनिटे शिजवा. उकडलेल्या अंड्यांना हलके चिरे देऊन मसाल्यात घाला आणि काही मिनिटे मुरू द्या.
• जाड बुडाच्या भांड्यात तांदळाचा एक थर घाला. त्यावर अंड्यांचा मसाला, कोथिंबीर आणि पुदिना पसरवा. असे दोन थर तयार करा.
• भांडे झाकून मंद आचेवर 15 ते 20 मिनिटे दम द्या. नंतर हलक्या हाताने बिर्याणी मोकळी करून गरमागरम सर्व्ह करा.