विकेंड बनवा खास, घरी मुघलाई जेवणाचा थाट! व्हेज लव्हर्ससाठी खास Mughlai Paneer Recipe

आनंदी जेवणासाठी शाही स्पर्श – मुघलाई पनीर! त्याच त्याच रेसिपीचना टाटा-बाय-बाय करा आणि यांदच्या विकेंडला काही हटके ट्राय करा. आज आम्ही तुमच्यासाठी मुघलाई पनीरची एक खास आणि लज्जतदार रेसिपी घेऊन आलो आहोत.

विकेंडचा दिवस जवळ आला आहे, अशात आज आम्ही तुमच्यासाठी मुघलाई जेवणाचा थाट घेऊन आलो आहोत. अनेक शाही पदार्थांमध्ये मुघलाई पनीरचा समावेश होतो. भारतीय पदार्थांमध्ये मसाल्यांचा वापर अधिक प्रमाणात असतो अशात हा पदार्थ तुम्हाला एक वेगळी चव देऊन जाईल. पनीर, क्रीम आणि मसाल्यांचा वापर करून याला तयार केले जाते. शाकाहारी प्रेमींसाठी त्यांचे चिकन म्हणजे पनीर असते.

Vat Purnima 2025: वटपौर्णिमेच्या व्रतासाठी आधीच बनवून ठेवा कुरकुरीत उपवासाचा चिवडा; सर्वच खातील आवडीने

पनीरपासून अनेक पदार्थ बनवले जातात मात्र मुघलाई पनीर ही डिश तुम्ही क्वचित्तच घरी बनवली असावी. हॉटेलमध्ये या पदार्थाची डिमांड खूप असते अशात यंदाच्या विकेंडला तुम्ही हा पदार्थ घरीच बनवून घरातील सर्वांना खुश करू शकता. मुघल कालखंडातील स्वयंपाकशैलीवर आधारित, ही डिश विशेषतः सण, पार्टी किंवा खास प्रसंगी बनवली जाते. चला जाणून घेऊया यासाठी लागणारे साहित्य आणि कृती.

साहित्य

• पनीर – २०० ग्रॅम (चौकोनी तुकडे)
• कांदा – २ मध्यम (सालं काढून उकडून पेस्ट करा)
• काजू – १०-१२ (पाण्यात भिजवून पेस्ट)
• हिंग – १ चिमूट
• आले-लसूण पेस्ट – १ चमचा
• दही – २ टेबलस्पून
• मलई किंवा फ्रेश क्रीम – ३ टेबलस्पून
• बारीक पुडलेला गरम मसाला – ½ टीस्पून
• धणे पूड – १ टीस्पून
• जिरे – ½ टीस्पून
• तेल किंवा तूप – २ टेबलस्पून
• मीठ – चवीनुसार
• थोडीशी साखर – ऐच्छिक
• केशर दूध – १ टेबलस्पून (ऐच्छिक, रंग आणि चवासाठी)

काहीतरी नवीन ट्राय करा; घरी बनवा कोरियन स्टाईल टेस्टी Cheese Corn Dog

कृती

• मुघलाई पनीर बनवण्यासाठी उकडलेल्या कांद्याची पेस्ट बनवा. काजू भिजवून त्याचीही गुळगुळीत पेस्ट तयार करा
• कढईत तेल/तूप गरम करून त्यात जिरे, हिंग, आणि आले-लसूण पेस्ट घाला. सुवास येईपर्यंत परतून घ्या
• नंतर कांद्याची पेस्ट टाका आणि हलक्या आचेवर ४-५ मिनिटं परता. त्यात काजूची पेस्ट टाका आणि नीट मिसळा
• त्यात फेटलेले दही, धणे पूड, गरम मसाला, साखर (ऐच्छिक) घालून मध्यम आचेवर परतत राहा
• ग्रेवीमध्ये मलई (किंवा क्रीम) व केशर दूध टाकून एकसंध करून घ्या
• आता पनीरचे तुकडे त्यात घालून ५-७ मिनिटं मंद आचेवर शिजवा, जेणेकरून ग्रेवी त्यात झिरपेल
• स्वादिष्ट मुघलाई पनीर तयार आहे. वरून थोडी क्रीम किंवा बारीक कापलेला कोथिंबीर टाका आणि गरमागरम सर्व्ह करा
• मुघलाई पनीर तुम्ही नान, चपाती किंवा जिरा राइससोबत खाण्यासाठी सर्व्ह करू शकता
• ही डिश फारशी तिखट नसते. तुम्हाला हवं असल्यास हिरव्या मिरच्या किंवा थोडी लाल तिखट वापरू शकता
• व्हेजिटेरियन पार्टीसाठी ही परिपूर्ण डिश आहे