हिवाळ्याच्या थंडीत घरी बनवा चविष्ट ‘रताळ्याचे पराठे’, अभिनेत्री जान्हवी कपूरची फेव्हरेट डिश; सकाळच्या नाश्त्यासाठी परफेक्ट रेसिपी

Sweet Potato Paratha Recipe : जान्हवी कपूरच्या आवडीप्रमाणे बनवलेला हा रताळ्याचा पराठा चवीला अप्रतिम, पौष्टिक आणि अगदी हलका आहे. हिवाळ्यात रताळी बाजारात फार येतात, तुम्ही यापासून टेस्टी पराठे तयार करू शकता.

• हिवाळ्यामध्ये बाजारात रताळी मोठ्या प्रमाणात विक्रीसाठी येतात
• रताळ्याचे सेवन आपल्या आरोग्यासाठी फायद्याचे ठरते
• तुम्ही राताळ्यापासून चविष्ट असे पराठे तयार करू शकता

बॉलीवूड सेलिब्रिटी आपल्या फिटनेस आणि हेल्दी लाइफस्टाइलसाठी ओळखले जातात. त्यात अभिनेत्री जान्हवी कपूर तिच्या साध्या, घरगुती आणि पोषणमूल्यांनी भरलेल्या जेवणासाठी खास प्रसिद्ध आहे. अनेकदा तिच्या मुलाखतींमध्ये ती सांगते की तिला अत्यंत साधं, देसी आणि पौष्टिक अन्न आवडतं. विशेष म्हणजे, ती ‘स्वीट पोटॅटो’ म्हणजेच रताळ्याची मोठी फॅन आहे. रताळे हे नैसर्गिक गोड असते, फायबरने समृद्ध असते आणि पचायला अगदी हलके असते. त्यामुळे व्यायामानंतर किंवा व्यस्त दिवसात रताळ्याचे पदार्थ पौष्टिक, चविष्ट आणि हेल्दी एनर्जी देणारे ठरतात.

Recipe : सकाळचा नाश्ता फक्त चवदारच नाही तर आरोग्यदायीही बनवा; यावेळी ‘नाचणीची इडली’ करून खा!

रताळ्याचे पराठे हा असा एक पदार्थ आहे जो हेल्दी, पोटभरीचा आणि अतिशय चवदार असतो. जान्हवी कपूरच्या आवडीचा हा पराठा तिच्या आहाराचा भाग मानला जातो कारण तो कार्बोहायड्रेट्स, व्हिटॅमिन A, पोटॅशियम आणि फायबरने परिपूर्ण आहे. शिवाय रताळे शरीराला त्वरित ऊर्जा देतात, त्वचेसाठी फायदेशीर असतात आणि गोड चवेमुळे पराठ्यांना एक वेगळाच स्वाद येतो. सकाळच्या नाश्त्यासाठी, डब्यासाठी किंवा हलक्या रात्रीच्या जेवणासाठी हे पराठे अगदी योग्य. ते बनवायला सोपे, साधे आणि कोणत्याही विशेष साहित्याशिवाय तयार होतात. चला तर मग, जाणून घेऊया जान्हवी कपूरच्या फेव्हरेट स्टाइलमध्ये बनवलेले हेल्दी आणि सॉफ्ट रताळ्याच्या पराठ्याची रेसिपी!

साहित्य

• रताळे (उकडलेले) – 2 मध्यम आकाराचे
• गव्हाचे पीठ – 1 ते 1½ कप
• जिरे – अर्धा चमचा
• लाल तिखट – अर्धा चमचा
• हळद – एक चिमूट
• मीठ – चवीनुसार
• कोथिंबीर – 2 टेबलस्पून
• तूप किंवा तेल – पराठा शेकण्यासाठी

पदार्थाचे नाव ऐकून लहान मुलं होतील खुश! सोप्या पद्धतीमध्ये घरी बनवा चिली गार्लिक लच्छा पराठा, नोट करून घ्या रेसिपी

कृती

• यासाठी सर्वप्रथम उकडलेली रताळी सोलून एका भांड्यात कुस्करून घ्या. रताळे जितके मऊ तितका पराठा अधिक सॉफ्ट होतो.
• या कुस्करलेल्या मिश्रणात जिरे, मीठ, तिखट, हळद आणि बारीक चिरलेली कोथिंबीर मिसळा. हवे असल्यास थोडी हिरवी मिरचीही घालू शकता.
• आता या मिश्रणात हळूहळू गव्हाचे पीठ घालत मळायला सुरूवात करा. रताळ्यांमध्ये नैसर्गिक ओलावा
• असल्याने पाणी फारसे लागत नाही. मऊ पण हाताला न चिकटणारे पीठ तयार करा.
• पीठ 10 मिनिटे झाकून ठेवून विश्रांती द्या. यामुळे पराठे छान गोल आणि सॉफ्ट बनतात.
• तवा गरम करून घ्या. पीठाचे लहान गोळे करून पातळ किंवा मध्यम जाडसर लाटून घ्या.
• पराठा गरम तव्यावर दोन्ही बाजूंनी शेकून घ्या. शेकताना थोडे तूप किंवा तेल लावले तर चव अप्रतिम येते.
  छान सुगंध येऊ लागला आणि पराठा सोनेरी रंगाचा झाला की तो तयार आहे. तो गरमागरम दही, लोणचे, चटणी किंवा तूपासह सर्व्ह करा.
• रताळे खूप गरम असताना मळू नये, पीठ सैल होते.
• गोड आवडत असल्यास एका चिमूट गूळपूडही घालू शकता.
• तूप लावून खाल्ल्यास पराठ्यांची चव अगदी घरगुती आणि देसी लागते.