World Meditation Day 2025 : मानसिक तणावापासून दूर करायचाय? दिवसातून किती तास करायला हवं मेडीटेशन ?

सर्वसाधारण सांगितलं जातं की रोज मेडिटेशन करा पण किती आणि कधी मेडिटेशन करणं फायद्याचं आहे याबाबत आज सविस्तर जाणून घेऊयात.

• मानसिक तणावापासून दूर करायचाय?
• दिवसातून किती तास करायला हवं मेडीटेशन ?
• का साजरा करतात World Meditation Day ?

सध्याच्या धावपळीच्या जगात करियर आणि शैक्षणिक क्षेत्रात स्पर्धा खूप वाढल्या आहेत. त्यामुळे अनेकदा याचा मानसिक ताण देखील वाढतो. आजकाल डिप्रेशन हे शाळकरी मुलांपासून ते वयाच्या साठीमधील वृद्धांमध्ये देखील मोठ्या प्रमाणात दिसून येतंं. त्यामुळे आजकालचा तरुण वर्ग हा मेडिटेशन आणि मेंटल हेल्थबाबत जास्त जागृक झाला आहे. आजचा दिवस हा जागतिक ध्यान  दिन म्हणून साजरा करण्यात येत आहे. संयुक्त राष्ट्र महासभेने (UNGA) डिसेंबर 2024 मध्ये 21 डिसेंबर हा दिवस मेडीटेशनसाठी साजरा करण्यात येईल. या दिवसाचं महत्व हेच की, प्रत्येक देशातील नागरिकांना मानसिक आरोग्याचं महत्व पटवून देणं हेच आहे.

मासिक पाळी येण्याआधी महिलांच्या शरीरात दिसून येतात ‘हे’ गंभीर संकेत, शारीरिक समस्यांकडे चुकूनही करू नका दुर्लक्ष

सध्याच्या धावपळीच्या जगात मानसिक आरोग्य सांभाळणं ही तारेवरची कसरत आहे. याचमुळे संपूर्ण जग हे मेडीटेशनकडे वळत आहेे. सर्वसाधारण सांगितलं जातं की रोज मेडिटेशन करा पण किती आणि कधी मेडिटेशन करणं फायद्याचं आहे याबाबत आज सविस्तर जाणून घेऊयात.

किती वेळ करावं मेडीटेशन ?

मेडीटेशनचा असा ठराविक वेळ नाही मात्र तुम्ही जर नुकतीच सुरुवात करत असाल तर रोज सकाळी 10 ते 15 मिनिटं करणं फायदेशीर ठरतं. कधी कधी कामामुळे रोज मेडीटेशन करणं शक्य होत नाही. त्यामुळे बरेचजण आठवड्यातून एकदा ताासभर ध्यानाला बसणारे अनेकजण आहेत. मात्र तज्ज्ञ हेच सांगतात की, आठवड्यातून एकदा मेडीटेशन करण्यापेक्षा रोज दिवसातून 10 मिनिटं जरी ध्यान केलं तर त्याचा खूप जास्त फायदा होतो.

मेडीटेशनची योग्य पद्धत कोणती ?

ध्यान करणं हे मानसिक आरोग्यासाठी फायदेशीर आहे. ध्यानाची पद्धत अतिशय सोपी आहे. रोज सकाळी उठल्यावर चांगल्या वातावरणात दिर्घ श्वास घ्या. ध्यान करताना सर्व लक्ष श्वासांकडे असावं. ध्यानामुळे डोकं आणि मन शांत राहतं. तुम्ही सकाळीच ध्यान करायला हवं असं नाही संध्याकाळी देखील शांत वेळेत करु शकता. मात्र रोज सकाळी ध्यान केलं तर त्याचे फायदे अधिक आहे. सकाळी उठल्यावर मेंदू जास्त अ‍ॅक्टिव्ह असतो. सकाळच्या वातावरणात सकारात्मकता अधिक असते. त्यामुळे हा वेळ ध्यानासाठी उत्तम आहे.

मेटीशन म्हणजे नक्की काय ?

जसं आपण शरीराची काळजी घेतो तशीच काळजी मानसिक आरोग्याची घेणं देखील गरजेचं आहे. मेडिटेशन म्हणजे अतिविचार नियंत्रणात आणण्यासाठी केलेला उपाय. दिवसभरात अनेक विचार डोक्यात येत असतात. त्यातले 60 ते 70 टक्के विचार हे नकारात्मक आणि निर्रथक असतात. या अतिविचारांमुळे मानसिक आरोग्य बिघडतं आणि त्याचा परिणाम हा शरीरावर देखील दिसायला लागतो. म्हणूनच दिवसभरातून किमान 10 मिनिटं स्वत:साठी वेळ काढणं महत्वाचं आहे.

वाढत्या स्क्रीन टाईममुळे फक्त ६ तासांची झोप होते? आरोग्यासंबंधित उद्भवेल ‘या’ गंभीर आजारांचा धोका, जाणून घ्या सविस्तर