अक्कलकोट : सकल मराठा समाज, मराठा संघटन अक्कलकोट शहर तालुक्याच्या वतीने अंतरावली सराटी तालुका अंबड, जिल्हा जालना या ठिकाणी पोलिसांनी आंदोलन कर्त्यावर केलेला अमानुष लाठीचार्ज व गोळीबार करून मराठा समाजावर हल्ला केल्याबद्दल अक्कलकोट ते सोलापूर रस्त्यावर रास्ता रोको करून तीव्र निषेध व्यक्त करण्यात आला. या प्रसंगी तहसीलदार बाळासाहेब सिरसाट यांना निवेदन देण्यात आले. यावेळी उत्तर पोलीस ठाण्याचे पोलिस निरीक्षक जितेंद्र कोळी हे उपस्थित होते.
दरम्यान रास्ता रोकोमुळे दुतर्फा वाहनाची रांग लागलेली होती. या चक्का जाम आंदोलनात मराठा समाज शेकडोच्या संख्येने उपस्थित होता. अंतरावली येथील घटनेत मनोज जरांगे पाटील रीतसर मार्गाने बेमुदत आमरण उपोषण सुरु असताना सदरचे उपोषण उधळून लावण्यासाठी पोलिसांचा प्रचंड मोठा फौज फाटा घेऊन सदरचे आंदोलन चिरडून काढण्यासाठी समाजातील महिला, लहान मुले, वृद्ध व तरुणांवर लाठी हल्ला व गोळीबार करून जगाला आंदोलनाची दिशा देणाऱ्या मराठा समाजावर हल्ला करण्यात आला. याबद्दल अक्कलकोट ते सोलापूर रस्त्यावर रास्ता रोको करून तीव्र निषेध व्यक्त करण्यात आले.
भ्याड हल्ल्याचा निषेध
या पुढील काळात जिल्हा सकल मराठा समाजाकडून जी आंदोलनाची दिशा ठरविली जाईल त्या पद्दतीने सकल मराठा समाज, मराठा संघटन अक्कलकोट शहर तालुक्याच्या वतीने आंदोलन छेडण्यात येणार असल्याचे आंदोलन कर्त्यांनी सांगितले. या प्रसंगी विविध जणांनी मनोगतातून भ्याड हल्ल्याचा तिखट शब्दात निषेध व्यक्त केला. यावेळी आंदोलन कर्त्यांची माजी राज्य मंत्री सिद्धाराम म्हेत्रे, अशपाकभाई बळ्ळोरगी, मल्लिकार्जुन पाटील यांनी भेट घेतली. या आंदोलनाच्या वेळी शेकडो च्या संख्येने मराठा समाजातील युवक उपस्थित होते.
.png "Videos"){kind=small}
