सोबत कोणीही नसल्याचा गैरफायदा घेत ‘तो’ महिलेच्या घरात शिरला; हात पकडला अन्…

एक जूननंतर चार ते पाच दिवसांनी महिलेला कार्यालयातून फोन आला. कारण तिचा मुलगा रडत होता आणि त्यामुळे संबंधिताने त्यांना मुलाला घेऊन जाण्यास सांगितले. तुम्हालाही या योजनेचा लाभ घरबसल्या मिळणार असून, संगोपनासाठी दरमहा 2250 रुपये मिळतील, असे सांगण्यात आले.

अमरावती : एका निराधार महिलेच्या घरी जाऊन एकाने विनयभंग केल्याची घटना समोर आली. यातील आरोपी हा महिला बाल समिती विकास कार्यालयाचा क्षेत्र कर्मचारी असल्याची माहिती दिली जात आहे. पीडित महिलेच्या तक्रारीवरून पोलिसांनी शुक्रवारी (दि. 16) आरोपी शशांक वैद्य (रा. अमरावती) याच्याविरुद्ध गुन्हा दाखल केला आहे.

हेदेखील वाचा : डोळे, चेहरा आणि गुप्तांगावर जखमा…,लैगिंक अत्याचारानंतर हत्या! कोलकात्याच्या ‘निर्भया’ हत्येचे गुढ असे उकलले

गाडगेनगर पोलिस ठाण्याच्या हद्दीत राहणारी महिला तिच्या दोन मुलांसह वेगळी राहते. ती घरगुती स्वयंपाक बनविण्याचे काम करते. ती पतीपासून विभक्त राहत आहे. त्यामुळे गेल्या 3 महिन्यांपूर्वी ती महिला रुक्मिणीनगर येथील महिला बाल समिती कार्यालयात मुलांच्या शिक्षण व संगोपनाच्या अनुषंगाने शासनाच्या योजनेसाठी एका दुसऱ्या महिलेसोबत गेली होती. त्यांनी मुलांची कागदपत्रे गोळा करून मुलांना तिथे ठेवले.

एक जूननंतर चार ते पाच दिवसांनी महिलेला कार्यालयातून फोन आला. कारण तिचा मुलगा रडत होता आणि त्यामुळे संबंधिताने त्यांना मुलाला घेऊन जाण्यास सांगितले. तुम्हालाही या योजनेचा लाभ घरबसल्या मिळणार असून, संगोपनासाठी दरमहा 2250 रुपये मिळतील, असे सांगण्यात आले. कागदपत्रे सादर केल्यानंतर एक ते दोन महिन्यात लाभ दिला जाईल, असे महिलेला सांगण्यात आले.

जुलै 2024 रोजी सायंकाळी साडेसहाच्या सुमारास आरोपी शशांक वैद्य याने महिलेची चौकशी केली. त्यावेळी त्याने ‘मी कार्यालयात अहवाल देतो, त्याचा फायदा तुम्हाला होईल. त्यानंतर आरोपी शशांक वैद्य याने महिलेच्या फोनवर व्हॉट्सअॅप मेसेज पाठवले. ज्यामध्ये आक्षेपार्ह संदेश होते.

यानंतर रात्री साडेअकरा वाजता आरोपी शशांक वैद्य याने महिलेच्या घरी जाऊन वाईट उद्देशाने महिलेला पकडून तिचा विनयभंग केला. मात्र, महिलेने आरडाओरडा केल्याने तो तेथून पळून गेला.

हेदेखील वाचा : लग्नाचे आमिष दाखवून विवाहितेवर लैंगिक अत्याचार; शहरातील वेगवेगळ्या ठिकाणी न्यायचा अन्…