श्रद्धेला प्रश्न विचारणे हे नागरिकांचे मूलभूत कर्तव्य; धाराशिवमध्ये ॲड. असीम सरोदे यांचे परखड विचार!

अंधश्रद्धा निर्मूलन समितीच्या धाराशिव शाखेच्या वतीने शुक्रवारी ३ एप्रिल रोजी छत्रपती शिवाजी महाराज नाट्यगृहात व्याख्यान आयोजित करण्यात आले होते. यावेळी ॲड. असीम सरोदे यांनी काही परखड विचार मांडले.

• अंधश्रद्धा निर्मूलन समितीकडून धाराशिवमध्ये व्याख्यान आयोजित
• छत्रपती शिवाजी महाराज नाट्यगृहात व्याख्यान आयोजित
• ॲड. असीम सरोदे यांनी मांडले विचार

भारताच्या संविधानामध्ये श्रद्धेचे स्वातंत्र्य जसे दिले आहे, तसेच चिकित्सा व प्रश्न विचारण्याचे कर्तव्य ही नागरिकांना दिले आहे. त्यामुळे श्रद्धेला ही प्रश्न विचारणे आवश्यक असल्याचे प्रतिपादन ॲड.असीम सरोदे यांनी धाराशिव येथे बोलताना केले. अंधश्रद्धा निर्मूलन समितीच्या धाराशिव शाखेच्या वतीने शुक्रवारी ३ एप्रिल रोजी छत्रपती शिवाजी महाराज नाट्यगृहात आयोजित व्याख्यानात ते बोलत होते. अंधश्रद्धा निर्मूलन समितीच्या वतीने आयोजित, कायदा व राजकारणातील भोंदूगिरी, या विषयावर त्यांचे व्याख्यान झाले.

निगडी-चाकण मेट्रोचा सुधारित ‘डीपीआर’ तयार, भोसरीचाही समावेश; खर्च होणार तब्बल…

कायद्याची अंमलबजावणी करणाऱ्या न्यायाधीशापासून वकिलांपर्यंत असलेले लोक कसे अंधश्रद्धांचे बळी आहेत. ते सार्वजनिक स्वरूपात आपले कर्तव्य बजावत असताना ते अंधश्रद्धांच्या बाबतीत कसे वर्तन करतात. याचे सविस्तर विवेचन सरोदे यांनी केले.

तसेच राजकारणात सध्या असलेल्या भोंदूगिरीवर त्यांनी जोरदार टीका केली. सर्वच राजकीय पक्षाचे नेते मंडळी ही भोंदूगिरीत सामील आहेत. याची सविस्तर माहिती त्यांनी आपल्या भाषणात दिली. धाराशिव कळंब मतदारसंघाचे आमदार कैलास पाटील, माजी नगराध्यक्ष नानासाहेब पाटील, माजी मुख्याध्यापक पडवळ, माजी मुख्याध्यापक एम . डी. देशमुख, ॲड. जयंत जगदाळे, ॲड. बापू काजळे, धर्मवीर कदम, ॲड. राज कुलकर्णी, पत्रकार रवींद्र केसकर उपस्थित होते.

Nashik News : शेतकरी चिंतेत! अवकाळी पावसाचा कहर; २८ हजार हेक्टर क्षेत्र बाधित

कार्यक्रमाच्या सुरुवातीला डॉ. अस्मिता बालगावकर आणि चंद्रकांत उळेकर यांनी चळवळीची गाणी म्हटली. प्रास्ताविक ॲड. रवींद्र मैंदाड यांनी केले. तर डॉ. अस्मिता बालगावकर या यांनी भूमिका विशद केली. सूत्रसंचालन ॲड. राम यांनी केले. तर आभार प्रदर्शन चंद्रकांत उळेकर यांनी व्यक्त केले.