Sharad Pawar Health Update: शरद पवारांची प्रकृती खालावली; बारामतीहून पुण्याच्या दिशेने रवाना

शरद पवार यांना तातडीने रुग्णवाहिकेतून पुण्याच्या दिशेने  हलवण्यात आले आहे. त्यांच्यासोबत खासदार सुप्रिया सुळे आणि पती सदानंद सुळेहेदेखील आहेत. 

• राष्ट्रवादी काँग्रेसचे ज्येष्ठ खासदार शरद पवार यांची प्रकृती खालावली
• प्राथमिक माहितीनुसार, शरद पवार यांना खोकला आणि कफामुळे श्वास घेण्यास त्रास होत होता
• सुप्रिया सुळे आणि  सदानंद सुळे शरद पवारांना घेऊन पुण्याच्या दिशेने रवाना

Sharad Pawar Health Update:  बारामतीच्या राजकीय वर्तुळातून एक महत्त्वाची अपडेट समोर येत आहे. राष्ट्रवादी काँग्रेसचे ज्येष्ठ खासदार शरद पवार यांची प्रकृती खालावल्याची बातमी समोर आली आहे. शरद पवार यांना तातडीने रुग्णवाहिकेतून पुण्याच्या दिशेने  हलवण्यात आले आहे. त्यांच्यासोबत खासदार सुप्रिया सुळे आणि पती सदानंद सुळेहेदेखील आहेत.

ZP Election Results : साताऱ्यात भाजप आघाडीवर तर राष्ट्रवादी 14 जागांवर…; अनेक दिग्गजांची प्रतिष्ठा पणाला

मिळालेल्या प्राथमिक माहितीनुसार, आज सकाळी १०:३० च्या सुमारास दोन तज्ज्ञ डॉक्टरांचे पथक गोविंद बागेत दाखल झाले होते. सुमारे तासभर चाललेल्या वैद्यकीय तपासणीनंतर शरद पवार यांना खोकला आणि कफामुळे श्वास घेण्यास त्रास होत असल्याचे समोर आले. प्रकृतीचे गांभीर्य ओळखून डॉक्टरांनी त्यांना पुढील उपचारांसाठी पुण्यातील खासगी रुग्णालयात दाखल करण्याचा सल्ला दिला. त्यानंतर तातडीने कार्डियाक ॲम्बुलन्स आणि वैद्यकीय पथकाच्या निगराणीत त्यांना घेऊन सुप्रिया सुळे पुण्याच्या दिशेने निघाल्या आहेत.

राष्ट्रवादी काँग्रेसचे ज्येष्ठ नेते शरद पवार यांची तब्येत अचानक बिघडल्याची माहिती समोर आली आहे. प्रकृती अस्वस्थ वाटत असल्याने शरद पवार हे उपचारासाठी पुण्यातील रूबी हॉल क्लिनिकमध्ये दाखल होणार आहेत. सूत्रांनी दिलेल्या माहितीनुसार, पुढील ३० मिनिटांत शरद पवार रूबी हॉल क्लिनिकमध्ये पोहोचणार असून तिथे त्यांच्यावर तज्ञ डॉक्टरांकडून तपासणी व उपचार करण्यात येणार आहेत. रूबी हॉल क्लिनिकचे ज्येष्ठ डॉक्टर डॉ. सायमन ग्रँट हे शरद पवार यांच्यावर उपचार करणार आहेत. सध्या त्यांची प्रकृती स्थिर असल्याची प्राथमिक माहिती आहे. शरद पवार यांच्या प्रकृतीबाबत अधिकृत वैद्यकीय अपडेटची प्रतीक्षा आहे.

Uddhav Thackeray News: उद्धव ठाकरेंची आमदारकी धोक्यात ? भाजप आणि शिंदेसेनेच्या बड्या नेत्यांनी डिवचलं