
Woman Allegedly Raped After Being Drugged With Sweets Over Lottery Claim ( auto_awesome Did you mean: Woman Allegedly Raped After Being Drugged With Sweets For Lottery Claim 73 लॉटरी लागल्याचे सांगून मिठाईतून गुंगीचे औषध दिल्यानंतर महिलेवर कथित बलात्कार auto_awesome Did you mean: Woman Allegedly Raped After Being Drugged With Sweets For Lottery Claim 73 लॉटरी लागल्याचे सांगून मिठाईतून गुंगीचे औषध दिल्यानंतर महिलेवर कथित बलात्कार )
ही घटना २४ ऑगस्ट ते २५ ऑक्टोबर दरम्यान कर्णपुरा परिसरात घडली. मयूर दिलीपचंद कासलीवाल (३५, रा. एन-२, सिडको) असे पीडितेवर अत्याचार करणाऱ्याचे नाव असून त्याच्याविरोधात छावणी पोलिस ठाण्यात गुन्हा दाखल करण्यात आला आहे.
प्रकरणात ३२ वर्षीय पीडित विवाहीतेने फिर्याद दिली. त्यानुसार, पीडिता या पती व दोन मुलांसह राहते. दोन ते तीन वर्षापूर्वी मुलांचे आधारकार्ड काढण्यासाठी ती एन-२ सिडको येथील प्रो मयूर मल्टी सर्व्हिसेस येथे गेली होती, त्यावेळी आधारकार्ड काढून देणाऱ्या मयूर कासलीवाल याच्याशी तिची ओळख झाली. त्यानंतर तो अधूनमधून फोन करून संपर्कात होता. २४ ऑगस्ट रोजी सकाळी साडेदहाच्या सुमारास पीडिता घरी एकटी असताना मयूर दुचाकीवर (एमएच २० बीएफ २७०५) तेथे पोहोचला.
तुझ्या पायगुणामुळे मला ५० लाख रुपयांची लॉटरी लागली, असे सांगत त्याने आनंदाच्या निमित्ताने पेढा खाऊ घातला. पेढा खाल्ल्यानंतर अवघ्या पाच ते सात मिनिटांत पीडिता बेशुद्ध झाली. काही वेळाने शुद्धीवर आल्यानंतर ती घरातील पलंगावर विवस्त्र अवस्थेत होती, तर आरोपीही तिच्या शेजारी विवस्त्र अवस्थेत असल्याचे तिच्या लक्षात आले. गुंगीकारक पदार्थ देऊन आपल्यावर अत्याचार झाल्याचे तिला समजले.
घटनेनंतर पीडितेने पोलिसांत तक्रार करण्याचे सांगितले असता आरोपीने पती व मुलांना जीवे मारण्याची धमकी दिली. तसेच, त्याच्यासोबतचे फोटो व व्हिडिओ पतीला दाखविण्याची आणि सोशल मीडियावर व्हायरल करण्याची धमकी दिली. त्यामुळे घाबरलेल्या पीडितेने पोलिसात तक्रार दिली नाही. याचा फायदा घेत आरोपीने पीडितेचा पती घरी नसताना मुलांना जीवे मारण्याची व फोटो-व्हिडिओ व्हायरल करण्याची धमकी देत वारंवार पीडितेसोबत जबरदस्तीने शारीरिक संबंध ठेवल्याचे फिर्यादीत नमुद आहे.
२५ सप्टेंबर रोजी सायंकाळी साडेपाचच्या सुमारास आरोपी पुन्हा पीडितेच्या घरी आला. यावेळी तिने त्याला यापुढे घरी येऊ नकोस, पोलिसांत तक्रार करणार असल्याचे सुनावले. त्यावर संतप्त झालेल्या आरोपीने घरातील टीव्ही फोडला. जाताना पीडितेची मोपेड वापरण्यासाठी घेऊन जात असल्याचे सांगत तो दुचाकी घेऊन गेला. तक्रार केल्यास जिवंत सोडणार नाही, अशी धमकीही त्याने दिल्याचे फिर्यादीत म्हटले आहे.
२५ ऑक्टोबर रोजी रात्री पती घरी आल्यानंतर त्यानी मयूर भेटल्याचे सांगितले, मयूरने पत्नीसोबत अनैतिक संबंध असल्याचा दावा केल्याचे त्यांनी सांगितल्यावर पीडितेने घडलेला संपूर्ण प्रकार पतीला सागितला, पतीने धीर दिल्यानंतर तिने छावणी पोलिस ठाणे गाठून तक्रार दिली. त्या तक्रारीवरुन आरोपीविरुद्ध भारतीय न्याय संहितेच्या विविध कलमावरून गुन्हा दाखल करण्यात आला आहे.
Amravati News: भाववाढीच्या प्रतीक्षेत कापूस घरातच! सोयाबीनची आवकही घटली; ४ दिवसांत दरात झाली घसरण