२२ जानेवारी रामलल्ला प्राणप्रतिष्ठा दिन “मर्यादा पुरुषोत्तम दिन” घोषित करा – हिंदू महासभेची राज्यपालांकडे मागणी

संपुर्ण हिंदू जनतेच्या या धारणेस अनुसरुन, हिंदू जनभावनांचा आदर राखण्यासाठी आणि २२ जानेवारी हा दिवस " मर्यादा पुरुषोत्तम दिन " केंद्र शासनाने घोषित करावा, अशी मागणी अखिल भारत हिंदू महासभेच्यावतीने निवेदनात करण्यात आली आहे.

कणकवली (भगवान लोके) : उद्या म्हणजे 2 जानेवारीला अयोध्येत राम मंदिराचं उद्घाटन होणार आहे. देशभरात सगळीकडे उत्साहाचं वातावरण आहे. या पार्श्वभुमीवर हिंदू महासभेच्यावतीने राज्यपाल भवनात एक निवेदन देण्यात आले. राष्ट्रपती महामहीम द्रौपदी मुर्मूंनी २२ जानेवारी हा दिवस हा ” मर्यादा पुरुषोत्तम दिन ” घोषित करण्याचे निर्देश केंद्र सरकारला द्यावेत, अशी विनंती या निवेदनद्वारे करण्यात आली.

[read_also content=”श्रीराम मूर्ती प्रतिष्ठापना सोहळ्यानिमित्त डोंबिवलीत युवा सेनेची भव्य रॅली; रामनामात अवघे शहर दुमदूमले https://www.navarashtra.com/thane/on-the-occasion-of-ayodhya-shri-ram-mandir-inauguration-shivsena-organized-grand-bike-rally-in-dombivli-nrpm-500208.html”]

हिंदू महासभेच्यावतीने, तत्कालीन फैजाबाद जिल्हाध्यक्ष स्व. ठाकुर गोपालसिंह विशारदजीनीं रामलल्लाच्या दर्शन, पुजेचा अधिकार मिळण्यासाठी दिवाणी न्यायालयात (३/१९५० ) वादपत्र प्रस्तुत करुन न्यायालयीन लढा सुरु केला होता. रामजन्मभूमीची विवादीत २:७७ अेकर जमीन हिंदू महासभा, निर्मोही आखाडा आणि वक्फ बोर्डला समान विभागून देण्याच्या अलाहाबाद अुच्च न्यायालयाच्या दिनांक ३० सप्टे. २०१० च्या निर्णया विरोधात हिंदू महासभेने न्यायालयात धाव घेतली होती. सर्वोच्च न्यायालयाने दिलेल्या रामलल्ला विराजमानच्या बाजूने दिलेल्या निर्णयामुळे, हिंदू महासभेने लढलेल्या प्रदीर्घ लढ्याची अितिश्री झाली आहे. या निर्णयामुळे विवादीत रामजन्मभूमी अखंड हिंदूकडे आली आहे. श्रीरामाच्या प्राणप्रतिष्ठेक्षणी शतकांपासुनचा संघर्ष समाप्त होऊन, समस्त हिंदूना रामलल्लाच्या दर्शनाचा, पुजेचा मुक्त अधिकार प्राप्त होणार आहे.

हिंदू महासभेची धारणा आहे की, हा दिवस राष्ट्रीय दृष्टीने खुप महत्वाचा आणि विलक्षण आहे. रामलल्ला हे राष्ट्रीय अस्मितेचे प्रतिक आहेत. श्रीराम हिंदूचे अुच्च श्रद्धेयस्थान आहे, समस्त हिंदू त्यांना मर्यादा पुरुषोत्तम मानतात. संपुर्ण हिंदू जनतेच्या या धारणेस अनुसरुन, हिंदू जनभावनांचा आदर राखण्यासाठी आणि २२ जानेवारीचा राममंदिराच्या गर्भगृहातील, विलक्षण, अद्भुत, आनंदमयी, मंगलमय रामलल्लाच्या प्राणप्रतिष्ठेचा सोहळा निरंतर अविस्मरणीय रहावा, यासाठी हा दिवस ” मर्यादा पुरुषोत्तम दिन ” केंद्र शासनाने घोषित करावा, अशी मागणी अखिल भारत हिंदू महासभेच्यावतीने निवेदनात करण्यात आली आहे.