'एकदा सत्ता द्या, कायद्याची भीती काय असते ते दाखवतो'; राज ठाकरे यांचं विधान
सोलापूर : लोकसभा निवडणूक झाल्यानंतर आता राज्यात विधानसभा निवडणुकीला वेग आला आहे. त्यानुसार, अनेक घडामोडी देखील घडत आहेत. असे असताना आता राज ठाकरे यांच्या महाराष्ट्र नवनिर्माण सेनेने विधानसभा निवडणुकीच्या पार्श्वभूमीवर दोन नावांची घोषणा केली आहे. मनसेने दक्षिण मुंबईतील शिवडी विधानसभेसाठी बाळा नांदगावकर यांना उमेदवारी जाहीर केली आहे.
महाराष्ट्र विधानसभा निवडणुका लवकरच जाहीर केल्या जाणार आहेत. त्यापूर्वी विविध पक्षांकडून आपापल्या पक्षाचा प्रचार केला जात आहे. महायुती असो वा महाविकास आघाडी यांच्यापैकी कोणीही अधिकृतरित्या उमेदवारांच्या नावाची घोषणा केलेली नाही. असे असताना आता राज ठाकरे यांच्या मनसेने दोन उमेदवार जाहीर केले आहेत. त्यात शिवडी विधानसभेसाठी बाळा नांदगावकर यांना तर पंढरपूर विधानसभा मतदारसंघातून दिलीप धोत्रे यांना उमेदवारी जाहीर केली आहे.
शिवडीत आहे शिवसेनेचा आमदार
शिवडी हा दक्षिण मुंबईतील महत्त्वाचा मतदारसंघ आहे. या मतदारसंघात सध्या अजय चौधरी विद्यमान आमदार आहेत. अजय चौधरी हे उद्धव ठाकरे यांच्या शिवसेनेत आहेत. अजय चौधरी हे 2014 आणि 2019 असे दोनवेळा निवडून आले आहेत. 2014 मध्ये अजय चौधरी यांनी बाळा नांदगावकर यांचा पराभव केला होता. आता पुन्हा एकदा ते निवडणूक लढवत आहेत.
पंढरपुरातून दिलीप धोत्रेंना उमेदवारी
पंढरपूर विधानसभा मतदारसंघातून दिलीप धोत्रे यांना उमेदावादी जाहीर केली. सध्या शिवडी विधानसभेत शिवसेना ठाकरे गटाचे अजय चौधरी, तर पंढरपूर विधानसभा मतदारसंघात भाजपचे समाधान आवताडे विद्यमान आमदार आहेत.
.png "Videos"){kind=small}
