मुंबई : ज्या तरुणांना पोलीस विभागात भरती होण्याचे आहे, त्यांच्यासाठी महत्त्वाची बातमी समोर येत आहे. राज्यातील विविध जिल्ह्यात आजपासून पोलीस भरतीसाठी (Police Recruitment) मैदानी चाचणीला (Physical Efficiency Test) सुरुवात झाली आहे. विशेष म्हणजे यंदा पहिल्यांदाच शंभर टक्के तंत्रज्ञानाचा वापर केला जाणार आहे. भरती प्रक्रिया अचूक आणि पारदर्शीपणे व्हावी यासाठी हे तंत्रज्ञान वापरलं जात असल्याचं पोलीस प्रशासनाने सांगितलं आहे. जेव्हा सरकारने पोलीस भरतीची घोषणा केली आहे तेव्हापासून लाखो तरुण दररोज सकाळी मैदाना चाचणीसाठी कसून सराव करत आहेत. त्या तरुणांचा आज मैदानावर कस लागणार असून, आज खरी मैदानी परीक्षा आहे.
[read_also content=”बार्शी आग दुर्घटना! आरोपींच्या अटकेच्या मागणीसाठी आज ग्रामस्थांचे ठिय्या आंदोलन, मृत्यांचा आकडा एवढा? नेमके काय आहे प्रकरण? पोलिसांचा शोध सुरु… https://www.navarashtra.com/maharashtra/barshi-fire-accident-villagers-protest-today-to-demand-the-arrest-of-the-accused-the-death-toll-what-exactly-is-the-case-358545.html”]
आजपासून म्हणजे 2 ते 4 जानेवारीपर्यंत चालक पदासाठी पुरुष उमेदवारांची शारीरिक चाचणी होणार आहे तर, 5 जानेवारीला महिला उमेदवारांची शारीरिक क्षमता चाचणी, 6 ते 14 जानेवारी 2023 पर्यंत पोलीस शिपाई पदासाठी पुरुष उमेदवारांची शारीरिक चाचणी, 15 ते 17 जानेवारीपर्यंत पोलीस शिपाई पदासाठी महिला उमेदवारांची शारीरिक क्षमता चाचणी होणार आहे. तर या पोलिस भरतीसाठी राज्यभरातून सुमारे 14 हजार जागांसाठी 18 लाख ऑनलाईन अर्ज आलेले आहेत. महाराष्ट्र पोलीस दलातील सुमारे 14 हजार पोलीस शिपाई जागांसाठी पोलीस भरतीच्या प्रक्रियेला 9 नोव्हेंबरपासून सुरुवात झाली.
कोणती कागदपत्रे लागणार?
– सर्व कागदपत्रांचा छायांकित प्रतींचा संच
– अर्जावर सादर केलेला फोटो (सहा फोटो)
– आरक्षण, क्रीडा प्रमाणपत्र, चारित्र्य पडताळणी अहवाल, आधारकार्ड, पॅनकार्ड, एलएमव्ही लायसन्स, प्रवेश पत्र
– उमेदवारांच्या ओळखपत्राच्या दोन प्रती
– आवेदन अर्जाच्या दोन छायांकित प्रती,
– सर्व मूळ कागदपत्रे
.png "Videos"){kind=small}
