ऐन विधानसभा निवडणुकीत काँग्रेसमध्ये अंतर्गत कलह वाढणार; कसबा असो वा शिवाजीनगर उमेदवारीसाठी चढाओढ सुरुच
धंगेकर पॅटर्नमुळे पोटनिवडणुकीच्या निमित्ताने लक्षवेधी ठरलेला कसबा यावेळी काँग्रेस पक्षासाठी डोकेदुखी ठरणार आहे. कसबा विधानसभा मतदारसंघातून पुन्हा एकदा रवींद्र धंगेकरांनाच उमेदवारी मिळणार हे जवळजवळ निश्चित आहे.
Internal Dispute will increase in the Congress in the Assembly elections
Follow Us
Follow Us:
पुणे : आगामी विधानसभा निवडणुकीत काँग्रेस पक्षाला तीन विधानसभा मतदारसंघात जागा मिळणार आहे. यामध्ये कसबा, पुणे कॅन्टोन्मेंट व शिवाजीनगर फिक्स आहेत. मात्र, या मतदारसंघात जाहीर नावांच्या व्यतिरिक्त इच्छुक ही जास्त आहेत. त्यामुळे काँग्रेसमधील अंतर्गत वाद वाढले आहेत.
धंगेकर पॅटर्नमुळे पोटनिवडणुकीच्या निमित्ताने लक्षवेधी ठरलेला कसबा यावेळी काँग्रेस पक्षासाठी डोकेदुखी ठरणार आहे. कसबा विधानसभा मतदारसंघातून पुन्हा एकदा रवींद्र धंगेकरांनाच उमेदवारी मिळणार हे जवळजवळ निश्चित आहे. काँग्रेस पक्षातील इतर इच्छुकांकडून मात्र उघड उघड नाराजी व्यक्त होत आहे.
काँग्रेस पक्ष सामान्य कार्यकर्त्यांना कधी न्याय देणार असा सवाल माजी नगरसेविका संगीता तिवारी यांनी उपस्थित केलाय. तर यावेळी काही झालं तरी निवडणूक लढवणारच अशी भूमिका माजी महापौर कमल व्यवहारे यांनी घेतली आहे. शहर काँग्रेसमधील दोन महिला पदाधिकाऱ्यांनी विरोधी सूर आळवल्यामुळे विद्यमान आमदार रवींद्र धंगेकर यांचं टेन्शन वाढण्याची शक्यता आहे. तर कॅन्टोन्मेंट विधानसभा मतदारसंघातील काँग्रेसमध्ये उमेदवारीवरून रस्सीखेच सुरू आहे.
माजी आमदार रमेश बागवे उमेदवारीसाठी आग्रही आहेत. तर पक्षात नव्याने पक्षात आलेले अविनाश साळवी हेही कॅन्टोन्मेंट मतदारसंघातून निवडणूक लढवण्यासाठी इच्छुक आहेत. त्यामुळे या मतदारसंघामध्ये काँग्रेस नेमकं कोणाला उमेदवारी देतंय हे पाहणं महत्वाचे ठरणार आहे. उमेदवारीवरून या मतदारसंघामध्ये रस्सीखेच सुरू आहे.
Web Title: Internal dispute will increase in the congress in the assembly elections nrka
.png "Videos"){kind=small}
