यवत : उंडवडी गावची जय भवानी विविध कार्यकारी सहकारी सोसायटीची निवडणूक बिनविरोध पार पडली. निवडणूक अर्ज भरण्याच्या शेवटच्या दिवशी फक्त १३ फॉर्म आल्याने ही निवडणूक सर्व सभासदांच्या मदतीने बिनविरोध करण्यात आली.
१९९० साली स्थापन झालेली ही सोसायटी स्थापनेपासून संस्थापक चेअरमन दिलीप भोसले यांच्या मार्गदर्शनाखाली बिनविरोध होण्याची परंपरा या वर्षीही कायम राहिली आहे. सोसायटीच्या संचालक मंडळात दिलीप भोसले, विशाल भोसले, सचिन गुंड, दिगंबर गडदे, हनुमंत भोसले, नामदेव भोसले, सदाशिव यादव, लक्ष्मण कोलते,भरत मदने, उशा भोसले, रतन जगताप, सावित्री निवंगुणे, द्रोपदी कांबळे यांची बिनविरोध निवड झाली.
यावेळी भीमा पाटस कारखान्याचे संचालक माणिक कांबळे, शांताराम गुंड उपस्थित होते तसेच निवडणूक अधिकारी म्हणून पी. व्ही. हराळ यांनी कामकाज पाहिले. सोसायटीचे सचिव गणेश पाडळे, सहसचिव अजय तोडकर यांनी सहकार्य केले.
