KDMC : मेट्रोच्या कामामुळे नामांकित शाळेला तीन दिवस सुट्टी ; प्रशासनाच्या कामकाजामुळे विद्यार्थ्यांचे होतायत हाल

कल्याण डोंबिवली  मनपा हद्दीत सध्या मेट्रोच्या कामामुळे रस्तेवाहतुकीवर मोठा परिणाम होत आहे. वाहतुक कोंडी आणि रस्त्यांची झालेली दुर्दशा यामुळे पालिका हद्दीतील नागरिकांना मोठ्या प्रमाणात त्रास होत आहे.

• मेट्रोच्या कामामुळे नामांकित शाळेला तीन दिवस सुट्टी
• प्रशासनाच्या कामकाजामुळे विद्यार्थ्यांचे होतायत हाल
• कल्याण डोंबिवलीत होतेय वाहतूक कोंडी

KDMC : कल्याण डोंबिवली  मनपा हद्दीत सध्या मेट्रोच्या कामामुळे रस्तेवाहतुकीवर मोठा परिणाम होत आहे. वाहतुक कोंडी आणि रस्त्यांची झालेली दुर्दशा यामुळे पालिका हद्दीतील नागरिकांना मोठ्या प्रमाणात त्रास होत आहे. यातच आता भरीला भर म्हणजे बैलबाजार परिसरातील जलवाहिनी फुटल्यामुळे हा रस्ता काही दिवसांकरिता बंद ठेवण्यात आला आहे. मेट्रोच्या कामादरम्यान केडीएमसीची मुख्य जलवाहिनी मंगळवारी फुटल्याने शहरातील पाणीपुरवठ्यावर आधीच परिणाम झाला आहे. त्याचबरोबर परिसरातील शाळकरी विद्यार्थांना देखील नाहक त्रास सहन करावा लागत आहे. प्रशासनाने रस्ता बंद केल्यामुळे कल्याण पश्चिम परिसरातील एका नामांकित शाळेला तीन दिवस विद्यार्थांना सुट्टी देण्यापलिकडे पर्याय उरला नाही. या सगळ्याचा मुलांच्या अभ्यासावर परिणाम होत असल्याने पालक देखील चिंतेत आहेत. ही गंभीर बाब लक्षात घेत वाहतूक पोलीस आणि केडीएमसी प्रशासनाकडून शालेय विद्यार्थ्यांसाठी पर्यायी मार्ग उपलब्ध करून देण्याची मागणी शाळेच्या वतीने करण्यात आली आहे.

बैलबाजार परिसरात मेट्रोच्या कामकाजाने पालिकेची मुख्य जलवाहिनी फुटली. आधीच वाहतूककोंडी आणि झालेल्या चिखलामुळे बैलबाजार ते गुरुदेव हॉटेलपर्यंतचा रस्ता बंद ठेवण्यात आला. त्यामुळे नाईलाजास्तव परिसरातील नामांकित के. सी. गांधी या शाळेला सलग तीन दिवस सुट्ट्या द्याव्या लागल्या. मेट्रोचं काम जिथे सुरु आहे त्याच रस्त्यालगत ही शाळा असल्याने याचा त्रास शाळकरी विद्यार्थाना सोसावा लागतोय. आधीच वाहतूक कोंडी त्यात जलावाहिनी फुटल्याने पाण्याचा झालेला अपव्यय आणि शाळेला देण्यात आलेली तीन दिवसांची सुट्टी असं कल्याणकरांवर दुहेरी नाही तर तीन समस्यांना सामोरं जावं लागतंय. रस्ताच बंद झाल्याने बससेवा ठप्प झाली. त्यामुळे शाळेत मुलं जाणार तरी कशी? विद्यार्थांना होणारी समस्या गंभीर असल्याने याची दखल घेत शाळेला तीन दिवस सु्टटी देण्यापलिकडे पर्याय राहिला नाही.

Dombivali भाजपा आणि शिंदेसेनेत तुफान राडा; महायुतीतील अंतर्गत वाद चव्हाट्यावर

दरम्यान जलवाहिनीच्या दुरुस्तीबाबत कल्याण डोंबिवली मनपा पाणी पुरवठा विभागाने महत्वाची माहिती दिली आहे. आज म्हणजेच शुक्रवारी सकाळपर्यंत जलवाहिनी दुरुस्तीचं काम पूर्ण होईल असं सांगण्यात आलेलं आहे. त्यामुळे बंद असलेला मुख्य रस्ता आज दुपारपर्यंत वाहतुकीसाठी खुला करण्यात येणार आहे, असं मनपा विभागाकडून सांगण्यात आलेलं आहे. मेट्रोप्रकल्प हा विकासकामाचा भाग आहे हे कितीही मान्य असलं तरी यामुळे विद्यार्थ्यांच शैक्षणिक नुकसान होऊ नये , त्यांच्य़ा शालेय अभ्यासतक्रमावर याचा गंभीर परिणाम होऊ नये याकरिता पालिकेने विशेष काळजी घ्यावी अशी शाळा प्रशासन आणि पालकांनी मांडली आहे.

Kalyan : ‘खोटे कागदपत्र तयार करून जमीन लाटण्याचा प्रयत्न’ पिडीत शेतकरी आक्रमक