सोमवार, 19 ऑक्टोबर 2026
(Photo - Social Media)
कोल्हापूरच्या राजकारणात प्रतिष्ठेची मानली जाणारी गोकुळ दूध संघाची निवडणूक चांगलीच रंगली आहे. सतेज बंटी पाटील यांच्या नेतृत्वाखालील राजर्षी शाहू शेतकरी समविचारी आघाडी आणि महायुती यांच्यात झालेल्या या लढतीत समविचारी आघाडीने 13 जागा जिंकल्या, तर महायुतीला 12 जागा मिळाल्याची माहिती देण्यात आली आहे. त्यामुळे गोकुळच्या सत्तासंघर्षात दोन्ही बाजूंमध्ये अटीतटीची लढत पाहायला मिळाली. (Gokul Result 2026)
या निवडणुकीकडे संपूर्ण राज्याचं लक्ष लागलं होतं. कोल्हापूर जिल्ह्यातील प्रमुख राजकीय नेत्यांनी या निवडणुकीसाठी जोरदार मोर्चेबांधणी केली होती. त्यामुळे निकालातून कोण बाजी मारणार, याची उत्सुकता होती. आता समविचारी आघाडीने 13 जागा मिळवल्याचा दावा करण्यात आल्याने सतेज पाटील गटाच्या कामगिरीची चर्चा सुरू झाली आहे.
राजर्षी शाहू शेतकरी समविचारी आघाडी (सतेज पाटील गट): 13 जागा
महायुती: 12 जागा
एकूण जागा: 25
सर्वसाधारण गट
अभिजित प्रभाकर तायशेटे – सतेज पाटील गट
शशिकांत आनंदराव पाटील चुयेक – सतेज पाटील गट
राहुल पांडुरंग पाटील – महायुती
चेतन अरुण नरक – महायुती
अजित शशिकांत नरके – महायुती
किसन बापूसो चौगले – सतेज पाटील गट
अंबरीषसिंह संजय घाटगे – महायुती
बाबासाहेब श्रीपती चौगले – सतेज पाटील गट
राहुल बजरंग देसाई – सतेज पाटील गट
विद्याधर बाबुराव गुरबे – सतेज पाटील गट
विरेंद्र संजय मंडलिक – महायुती
मदन बाबुराव देसाई – महायुती
बाबासाहेब विष्णू देवकर – सतेज पाटील गट
राजेश नरसिंगराव पाटील – महायुती
रणजितसिंह दिलीपराव पाटील – महायुती
रणजितसिंह कृष्णराव पाटील – महायुती
अजित पांडुरंग पाटील – महायुती
कर्णसिंह गायकवाड – महायुती
विश्वजीत दिनकरराव जाधव – सतेज पाटील गट
अमर पाटील, कोडोली – महायुती
अंजना केदारी रेडेकर — सतेज पाटील गट
भाग्यश्री धीरज डोंगळे — सतेज पाटील गट
शशिकांत शामराव खोत — सतेज पाटील गट
राजू बाबा आवळे — सतेज पाटील गट
बयाजी शेळके — सतेज पाटील गट
गोकुळ दूध संघाची निवडणूक ही केवळ सहकारी संस्थेपुरती मर्यादित नसून कोल्हापूरच्या राजकारणातही महत्त्वाची मानली जाते. त्यामुळे या निकालाचे राजकीय अर्थ लावले जात आहेत. समविचारी आघाडीला 13 जागा मिळाल्याची माहिती समोर आल्याने सतेज पाटील समर्थकांमध्ये उत्साहाचं वातावरण असल्याचं मानलं जात आहे.
दुसरीकडे, महायुतीनेही 12 जागा मिळवल्याने ही लढत अत्यंत चुरशीची ठरल्याचं स्पष्ट होतं. अवघ्या एका जागेच्या फरकामुळे गोकुळमधील राजकीय समीकरणांकडे सर्वांचं लक्ष लागलं आहे.
