गोंदियात पावसाचा जोर कायम; पावसामुळे बांध तलाव ओव्हर फ्लो; नागरिकांच्या घरात घुसलं पाणी

गोंदिया जिल्ह्यातील बांध तलाव देखीव ओव्हरफ्लो झालं आहे. हे तलाव गोंदिया शहराला लागून आहे. तलाव ओव्हरफ्लो झाल्याने शहराच्या सूर्याटोला परिसरात राहणाऱ्या नागरिकांच्या घरात पाणी शिरलं आहे. घरात आणि व्हारांड्यात अचानक पाणी शिरल्यामुळे नागरिकांची चांगलीच तारांबळ उडाली आहे.

राज्यातील अनेक भागांत मुसळधार पाऊस कोसळत आहे. गोंदिया जिल्ह्यात देखील गेल्या 4 दिवसांपासून मुसळधार पावसाने हजेरी लावली आहे. सततच्या पावसामुळे गोंदिया जिल्ह्यातील नदी नाले ओसंडून वाहत आहेत. सततच्या सुरु असणाऱ्या पावसामुळे गोंदियातील बांध तलाव ओव्हर फ्लो झालं आहे. त्यामुळे येथील नागरिकांच्या घरात तलावाचं पाणी शिरलं आहे. यामुळे परिसरातील नागरिकांची मोठ्या प्रमाणात तारांबळ उडाली असून घरातील सामानचं देखील नुकसान होतं आहे.

हेदेखील वाचा – ठाण्यात पावसाचा जोर वाढला; जिल्ह्यातील सर्व शाळांना सुट्टी जाहीर; सतर्क राहण्याचं प्रशासनाचं आवाहन

गोंदिया जिल्ह्यात गेल्या 3 ते 4 दिवसांपासून पावासाच जोर कायम आहे. त्यामुळे अनेक भागांत पाणी साचलं असून नागरिकांचे मोठ्या प्रमाणात हाल होतं आहे. नागरिकांना पाण्यातून वाट काढणं कठीण झालं आहे. अशातच आता गोंदिया जिल्ह्यातील बांध तलाव देखीव ओव्हरफ्लो झालं आहे. हे तलाव गोंदिया शहराला लागून आहे. तलाव ओव्हरफ्लो झाल्याने शहराच्या सूर्याटोला परिसरात राहणाऱ्या नागरिकांच्या घरात पाणी शिरलं आहे. घरात आणि व्हारांड्यात अचानक पाणी शिरल्यामुळे नागरिकांची चांगलीच तारांबळ उडाली आहे. घरातील सामानचं देखील मोठ्या प्रमाणात नुकसान झालं आहे. रस्त्यावर देखील पाणी साचलं आहे. या पाण्यातून विद्यार्थी आणि नागरिक ये जा करत आहेत.

हेदेखील वाचा – मुंबईत तुफान पाऊस; लोकलसेवा विस्कळीत; नागरिकांचे हाल; ठाणे जिल्ह्याला ऑरेंज अलर्ट जारी

तसेच या बांध तलावाचे पाणी अनेक नागरिकांच्या घरात, वरांड्यात घुसल्याने नागरिकांनी मोठी नाराजी व्यक्त केली आहे. तर प्रशासनाकडून कोणीतीही दखल घेतली नाही त्यामुळे घरात पाणाी शिरलं आणि नागरिक त्रस्त झाले असा आरोप आता केला जात आहे. याबाबत प्रशासनाने योग्य ती सोय करावी व या पाण्याचा विसर्ग योग्य प्रकारे करावा, अशी मागणी आता सूर्या टोला परिसरातील नागरिकांनी केली आहे.

हवामान विभागाने आज उत्तर महाराष्ट्र, गोंदिया, चंद्रपूर, नागपूर, वाशिम, अमरावती या जिल्ह्यांना पावसाचा यलो अलर्ट जारी केला आहे. तर आज रायगड आणि सातारा या दोन जिल्ह्यांना पावसाचा रेड अलर्ट जारी करण्यात आला आहे. त्यामुळे या भागात मुसळधार ते अतिमुसळधार पावसाची शक्यता वर्तवली जात आहे. या भागातील नागरिकांना सतर्क राहण्याचे आवाहन हवामान विभागाने केलं आहे. मुंबई, ठाणे, पालघर, नाशिक, रत्नागिरी, सिंधुदुर्ग, कोल्हापूर पुणे या जिल्ह्यांना आज हवामान विभागातर्फे पावसाचा ऑरेंज अलर्ट जारी करण्यात आला आहे.