मुंबईकरांनो प्रवास करण्याआधी रेल्वे मेगाब्लॉकचे वेळापत्रक नक्की वाचा

लवकरच पावसाळा सुरु होणार आहे. त्यामुळे रेल्वे रुळाच्या दुरुस्तीसाठी आणि तांत्रिक कामासाठी मेगाब्लॉक घेण्यात आला आहे. मेगाब्लॉकमुळे अनेक लोकल सेवा रद्द करण्यात आल्या असून इतर मार्गाने वळवण्यात आल्या आहेत.

प्रत्येक आठवड्याच्या रविवारी मुंबईच्या मध्य रेल्वे, हार्बर आणि पश्चिम रेल्वे मार्गावर मेगाब्लॉक घेतला जातो. विविध अभियांत्रिकी आणि देखभालीच्या कामासाठी हा ब्लॉक घेतला जातो. मुंबई लोकल ही मुंबईकरांची लाईफलाईन म्हणून ओळखली जाते. त्यामुळे रेल्वेने प्रवास करणाऱ्या लोकांची संख्या जास्त आहे. रविवारच्या दिवशी सुट्टी असल्याने अनेक लोक बाहेर फिरण्यासाठी किंवा इतर कामानिमित्त बाहेर जातात. त्यामुळे घरातून बाहेर पडण्याआधी मुंबईकरांनी रेल्वेचे वेळापत्रक पाहूनच बाहेर जावे. लवकरच पावसाळा सुरु होणार आहे. त्यामुळे रेल्वे रुळाच्या दुरुस्तीसाठी आणि तांत्रिक कामासाठी मेगाब्लॉक घेण्यात आला आहे. मेगाब्लॉकमुळे अनेक लोकल सेवा रद्द करण्यात आल्या असून इतर मार्गाने वळवण्यात आल्या आहेत. चला तर जाणून घेऊया मुंबई लोकलचे उद्याचे वेळापत्रक.

मध्य रेल्वे:

• मध्य रेल्वेवर घेण्यात आलेल्या मेगाब्लॉकमुळे अनेक गाड्या रद्द केल्या असून मेल एक्स्प्रेस वेगळ्या मार्गाने वळवण्यात आल्या आहेत. सकाळी ११.०५ ते दुपारी ३.३५ पर्यंत माटुंगा आणि ठाणे स्थानकांदरम्यान अप आणि डाऊन धीमा मार्गवर मेगाब्लॉक असेल. सकाळी १०.१४ ते दुपारी ३.०९ वाजेपर्यंत छत्रपती शिवाजी महाराज टर्मिनस मुंबई येथून सुटणाऱ्या डाऊन धिम्या मार्गावरील गाड्या माटुंगा आणि ठाणे स्थानकांदरम्यान डाऊन जलद मार्गावर वळवल्या जातील.त्यामुळे विद्याविहार, कांजूरमार्ग, नाहूर रेल्वे स्थानकावर लोकल थांबणार नाही. मेगाब्लॉकमुळे सर्व मार्गावरील गाड्या १० ते १५ मिनिटं उशिराने धावणार आहेत.
• सकाळी १०.२५ ते दुपारी ३.१० वाजेपर्यंत कल्याण येथून सुटणाऱ्या अप जलद मार्गावरील सेवा ठाणे आणि माटुंगा रेल्वे स्थानकादरम्यान अप जलद मार्गावर वळवल्या जातील. त्यामुळे नाहूर, कांजूरमार्ग, विद्याविहार स्थानकादरम्यान लोकल थांबणार नाही.मेगाब्लॉक आधी शेवटची लोकल छत्रपती शिवाजी महाराज टर्मिनस सकाळी ९.५३ वाजता टिटवाळासाठी सोडली जाणार आहे. तसेच मेगाब्लॉकनंतर छत्रपती शिवाजी महाराज टर्मिनस येथून सुटणारी कल्याण लोकल दुपारी ३.१८ वाजता सुटेल.

[read_also content=”‘इलेक्शनच्या मोडमधून बाहेर पडा अन् दुष्काळाकडे लक्ष द्या’; जयंत पाटलांचा सत्ताधाऱ्यांना टोला https://www.navarashtra.com/latest-news/ncp-sharad-pawar-group-leader-jayant-patil-criticized-state-government-on-water-shortage-problem-nrpm-537929.html”]

हार्बर रेल्वे:

• छत्रपती शिवाजी महाराज टर्मिनस –चुनाभट्टी, वांद्रे डाऊन हार्बर मार्गावर सकाळी ११.४० ते दुपारी ४.४० वाजेपर्यंत आणि चुनाभट्टी. वांद्रे- छत्रपती शिवाजी महाराज टर्मिनस अप हार्बर मार्गावर सकाळी ११.१० ते दुपारी ४.१० वाजेपर्यंत मेगाब्लॉकमुळे रेल्वे मार्ग बंद असणार आहे. सकाळी ११.१६ ते दुपारी ४.४७ वाजेपर्यंत वाशी,बेलापूर,पनवेल येथून छत्रपती शिवाजी महाराज टर्मिनस/वडाळा रोड येथून सुटणारी डाऊन हार्बर मार्गावरील सेवा आणि वांद्रे, गोरेगाव येथे जाणाऱ्या डाऊन हार्बर मार्गावरील सेवा सकाळी १०.४८ ते दुपारी ४.४३ वाजेपर्यंत बंद राहणार आहेत.
• पनवेलला जाण्यासाठी शेवटची लोकल छत्रपती शिवाजी महाराज टर्मिनस येथून सकाळी ११.०४ वाजता सुटणार आहे. तर गोरेगावसाठी ब्लॉकपूर्वीची शेवटची लोकल छत्रपती शिवाजी महाराज टर्मिनस येथून सकाळी १०.२२ वाजता सुटणार आहे.
  मेगाब्लॉकनंतर पनवेलसाठी पहिली लोकल छत्रपती शिवाजी महाराज टर्मिनस येथून दुपारी ०४.५१ वाजता सुटणार आहे.
• मेगाब्लॉक आधी पनवेल ते कुर्ला प्लॅटफॉर्म क्र ८ वरून विशेष गाड्या चालवल्या जाणार आहेत.

[read_also content=”राज्यातील कायदा सुव्यवस्था रसातळाला, गृहमंत्र्यांची काही जबाबदारी आहे का नाही?; अतुल लोंढेंचा सवाल https://www.navarashtra.com/maharashtra/law-and-order-in-the-state-is-in-the-abyss-does-the-home-minister-have-any-responsibility-or-not-atul-londhes-question-nrdm-538101.html”]

पश्चिम रेल्वे:

• बोरिवली -गोरेगाव अप आणि डाऊन धीम्या मार्गावर सकाळी १० त दुपारी ३ वाजेपर्यंत मेगाब्लॉक घेतला जाणार आहे. त्यामुळे बोरिवली – गोरेगाव अप आणि डाऊन धीम्या मार्गावरील सर्व लोकल जलद मार्गावर वळवल्या जातील.
• तर काही रेल्वे गाड्या रद्द करण्यात आल्या आहेत.