रुग्णालयातून डिस्चार्ज मिळताच अनिल देशमुख आक्रमक; म्हणाले, “ज्याने हल्ला केला त्याला…”

अनिल देशमुख यांच्यावर हल्ला करण्यात आला होता. त्यानंतर जखमी झाल्यामुळे त्यांना रुग्णालयात दाखल करण्यात आले होते. दरम्यान डिस्चार्ज मिळाल्यानंतर त्यांची पहिली प्रतिक्रिया समोर आली आहे.

नागपूर: काल विधानसभा निवडणुकीसाठी होणाऱ्या प्रचाराचा शेवटचा दिवस होता. मात्र नागपूरमध्ये काल राज्याच्या माजी गृहमंत्र्यांवर हल्ला करण्यात आला. ही धक्कादायक घटना काल रात्रीच्या वेळेस घडली. राष्ट्रवादी कॉँग्रेस शरद पवार गटाचे नेते अनिल देशमुख यांच्या गाडीवर अज्ञात व्यक्तीकडून हल्ला करण्यात आला. त्यानंतर त्यात देशमुख जखमी झाले होते. अनिल देशमुख यांना रुग्णालयात दाखल करण्यात आले आहे. मात्र आज डिस्चार्ज मिळताच अनिल देशमुख यांनी हल्ला करणाऱ्याना कडक इशारा दिला आहे, अनिल देशमुख नेमके काय म्हणाले हे पाहूयात.

काय म्हणाले अनिल देशमुख?

अनिल देशमुख यांच्यावर हल्ला करण्यात आला होता. त्यानंतर जखमी झाल्यामुळे त्यांना रुग्णालयात दाखल करण्यात आले होते. दरम्यान डिस्चार्ज मिळाल्यानंतर त्यांची पहिली प्रतिक्रिया समोर आली आहे. “मी मरणार नाही आणि तुम्हालाही सोडणार नाही. आपल्यावर ज्याने कोणी हल्ला केला, त्याला सोडणार नाही. “दरम्यान नेल देशमुख यांच्या गाडीवर झालेल्या हल्ल्यामुळे राजकीय वातावरण चांगलेच तापले आहे.

हेही वाचा:

नेमके काय घडले? 

नरखेड येथील सांगता सभा आटोपून माजी गृहमंत्री अनिल देशमुख हे काटोल येथे तीनखेडा भिष्णूर मार्गाने परत येत होते. अचानक काटोल जलालखेडा रोडवरील बेलफाट्याजवळ काही अज्ञातांनी त्यांच्या कारवर मोठ्या प्रमाणात दगडफेक केली. हल्ल्यामध्ये अनिल देशमुख हे गंभीर जखमी झाले असून त्यांना पुढील उपचारासाठी काटोलच्या रुग्णालयात दाखल करण्यात आले होते.

राष्ट्रवादी शरद पवार गटाचे नेते व माजी गृहमंत्री अनिल देशमुख यांच्यावर जीवघेणा हल्ला करण्यात आला आहे. या हल्ल्यामुळे महाविकास आघाडी आक्रमक झाली आहे. या संदर्भात खासदार संजय राऊत म्हणाले की, “अनिल देशमुख यांच्यावर हल्ला करणाऱ्या लोकांनी त्यांना दगडफेक करत अक्षरशः रक्तबंबाळ केले. हा हल्ला करताना हल्लेखोरांनी भाजप पक्षाच्या बाजूने जिंदाबादच्या घोषणा दिल्या जात होत्या. राज्याच्या माजी गृहमंत्र्यांवर ठार मारण्याच्या दृष्टीने हल्ला होतो. बाबा सिद्दीकींची हत्या होते. या राज्यामध्ये कायदा सुव्यवस्थेचे कसे धिंडवडे आहेत. याला जबाबदार शिंदे सरकार आहे. आता निवडणूक आयोगाकडे राज्याची सर्व सूत्र आहेत तरीही गृहमंत्र्यांचा हुकूम चालतो. कारण निवडणूक आयोग त्यांच्याच हातामध्ये असून त्यांच्या माणसांना धरुन काम करत आहे,” असा घणाघात संजय राऊत यांनी केला आहे.

हेही वाचा: Breaking News : माजी गृहमंत्री अनिल देशमुख यांच्या कारवर दगडफेक; हल्ल्यात गंभीर जखमी

भाजपने केला स्टंटबाजीचा आरोप

अनिल देशमुखांवर हल्ला झाल्याची माहिती मिळताच राष्ट्रवादी कॉंग्रेसचे शेकडो कार्यकर्ते रुग्णालयाच्या बाहेर जमले होते. त्यामुळे तणाव काहीकाळ निर्माण झाला होता. दरम्यान भाजपाने ही स्टंटबाजी असल्याचा आरोप केला आहे.  स्वत:च्याच कार्यकर्त्यांकडून देशमुख यांनी दगडफेक घडवून आणली, असा आरोप भाजपाचे काटोल मतदारसंघाचे प्रभारी अविनाश ठाकरे यांनी केला आहे.

प्रचार संपवून परत जात असताना राष्ट्रवादी काँग्रेस पार्टी शरदचंद्र पवार पक्षाचे ज्येष्ठ नेते अनिल देशमुख यांच्यावर काही समाजकंटकांनी भ्याड हल्ला केला.‌ ही अतिशय दुर्दैवी आणि संतापजनक घटना आहे. आम्ही सर्वजण या हल्ल्याचा निषेध करतो. निवडणुकीच्या काळात अशा पद्धतीने हल्ला करणारी मानसिकता या राज्यात कधीही नव्हती. हे राज्य लोकशाही विचारांना मानणारे राज्य आहे. पण भाजपच्या काळात राज्यातील विशेषतः नागपूर जिल्ह्यातील कायदा सुव्यवस्थेची दुर्दशा झाली असून गुंडांना मोकळे रान मिळाले आहे. या घटनेची सखोल चौकशी होऊन अनिल देशमुख यांच्यावर हल्ला करणारे हल्लेखोर आणि त्यांचे मास्टरमाईंड गजाआड झाले पाहिजेत ही आमची मागणी आहे. पुन्हा एकदा या घटनेचा तीव्र निषेध, असं सुप्रिया सुळे यांनी म्हटलं आहे.