Tukaram Mundhe on Nana Patekar: ‘लव्ह यू, बाळा! माझा अत्यंत जिवलग मित्र गमावला…’, नाना पाटेकरांच्या निधनाने तुकाराम मुंढे भावुक

Tukaram Mundhe on Nana Patekar: ज्येष्ठ अभिनेते नाना पाटेकर यांच्या निधनानंतर अन्न व औषध प्रशासनाचे आयुक्त तुकाराम मुंढे यांनी सोशल मीडियावर भावनिक पोस्ट शेअर करत शोक व्यक्त केला आहे. अवघ्या आठ दिवसांपूर्वी नाना पाटेकर यांच्याशी बोलणे झाले होते, असे सांगत त्यांनी शेवटच्या संभाषणातील 'लव्ह यू, बाळा' या शब्दांची आठवण करून दिली.

• माझा अत्यंत जिवलग मित्र गमावला…
• नाना पाटेकरांच्या निधनाने तुकाराम मुंढे भावुक
• ‘लव्ह यू, बाळा’ हे नानांचे शेवटचे शब्द

Tukaram Mundhe on Nana Patekar: मराठी आणि हिंदी चित्रपटसृष्टीतील ज्येष्ठ अभिनेते नाना पाटेकर यांचे गुरुवारी (८ ऑक्टोबर २०२६) निधन झाले. वयाच्या ७५व्या वर्षी त्यांनी अखेरचा श्वास घेतला. गोव्यातील डोना पावला येथील निवासस्थानी ते बेशुद्धावस्थेत आढळले. त्यानंतर त्यांना तातडीने मणिपाल रुग्णालयात दाखल करण्यात आले. डॉक्टरांनी सुमारे ४५ मिनिटे त्यांना वाचवण्याचे प्रयत्न केले. मात्र, उपचारांना प्रतिसाद न मिळाल्याने त्यांना मृत घोषित करण्यात आले. प्राथमिक माहितीनुसार, कार्डियाक अरेस्टमुळे त्यांचे निधन झाले असून मृत्यूचे नेमके कारण स्पष्ट करण्यासाठी शवविच्छेदन करण्यात येणार आहे.

‘लव्ह यू, बाळा’ हे नानांचे शेवटचे शब्द

नाना पाटेकर यांच्या निधनानंतर राज्याचे अन्न व औषध प्रशासन आयुक्त तुकाराम मुंढे यांनी सोशल मीडियावर भावनिक पोस्ट शेअर केली. या पोस्टमध्ये त्यांनी नानांसोबतच्या आठवणींना उजाळा दिला. मुंढे यांनी लिहिले, “नाना पाटेकर आता आपल्यात नाहीत. मी केवळ एक असामान्य कलाकारच नाही, तर एक विलक्षण माणूस आणि माझा अत्यंत जिवलग मित्र गमावला आहे. त्यांच्या प्रेमळ स्वभावाने आणि आपुलकीने प्रत्येकाच्या मनाला स्पर्श केला होता.” अवघ्या आठ दिवसांपूर्वी नाना पाटेकर यांच्यासोबत आपले बोलणे झाले होते, असेही त्यांनी सांगितले. त्या संभाषणातील नानांचे शेवटचे शब्द ‘लव्ह यू, बाळा’ असे होते. हेच आपले अखेरचे संभाषण ठरेल, याची कल्पनाही नव्हती, अशी भावना त्यांनी व्यक्त केली.

Nana Patekar यांचे स्मार्टफोन आणि सोशल मीडियाशी नेमके काय होते कनेक्शन? जाणून घ्या त्यांच्या डिजिटल आयुष्याबद्दल

‘तुझी उणीव कायम जाणवत राहील’

काही माणसे आपल्या मागे केवळ आठवणी ठेवून जातात, तर काही माणसे आपल्या आयुष्यात स्वतःचा एक भाग कायमचा ठेवून जातात. नाना हे त्यापैकीच एक होते, अशा शब्दांत मुंढे यांनी आपल्या भावना व्यक्त केल्या. “अलविदा, माझ्या मित्रा! तुझी उणीव कायम जाणवत राहील. तू सदैव आठवणीत राहशील,” असे म्हणत त्यांनी नाना पाटेकर यांना श्रद्धांजली वाहिली.

अभिनयासोबत सामाजिक कार्यातही मोठे योगदान

‘परिंदा’, ‘क्रांतिवीर’, ‘तिरंगा’, ‘प्रहार’, ‘वेलकम’ आणि ‘नटसम्राट’ यांसारख्या चित्रपटांमधून नाना पाटेकर यांनी आपल्या अभिनयाची वेगळी ओळख निर्माण केली. अभिनयासोबतच त्यांनी अभिनेते मकरंद अनासपुरे यांच्यासह ‘नाम फाउंडेशन’च्या माध्यमातून शेतकऱ्यांसाठी सामाजिक कार्य केले. त्यांच्या निधनामुळे चित्रपटसृष्टीसह सामाजिक क्षेत्रातही हळहळ व्यक्त होत आहे.

नाना पाटेकरांबद्दल तुकाराम मुंढे नेमकं काय म्हणाले?

Nana Patekar is no more. I have lost not merely an exceptional artist, but an extraordinary human being and a dear friend , someone whose warmth and affection touched everyone around him. We spoke just eight days ago. I could never have imagined that it would be our last conversation. His last words to me were: “Love you, Bala.” Those words will stay with me for the rest of my life. Some people leave behind memories. A few leave behind a part of themselves in our lives. Nana was one of them. Goodbye, my friend. You will be deeply missed, and forever remembered.

— Tukaram Mundhe (@Tukaram_IndIAS) October 8, 2026

Nana Patekar: ज्येष्ठ अभिनेते नाना पाटेकर यांच्या निधनाने शोककळा; आशिष शेलार यांनी वाहिली भावपूर्ण श्रद्धांजली