Amol Kolhe: “महाराष्ट्राला सुसंस्कृत राजकारणाची…”; मुंडेंच्या राजीनाम्यावर अमोल कोल्हेंचे विधान

पुणे: बीड येथील सरपंच संतोष देशमुख हत्या प्रकरणाची सर्वत्र चर्चा होताना पाहायला मिळत आहे. या प्रकरणात वाल्मीक कराड यांच्यावर मकोका अंतर्गत कारवाई करण्यात आली आहे.तसेच मंत्री धनंजय मुंडे यांच्या राजीनाम्याची मागणी केली जात आहे.आत्ता या प्रकरणी राष्ट्रवादी काँग्रेस शरदचंद्र पवार पक्षाचे खासदार अमोल कोल्हे यांनी देखील प्रतिक्रिया दिली आहे. ते म्हणाले की महाराष्ट्राला सुसंस्कृत राजकारणाची परंपरा आहे. अनेक घटना आपण अश्या पहिल्या आहे ज्यात अनेकांनी नैतिकतेच्या आधारावर चौकशी निःपक्षपाती पणाने व्हावी यासाठी राजीनामा दिलं असल्याचा इतिहास आहे.असे असताना धनंजय मुंडे यांचे जेव्हा सातत्याने नाव येते आणि ते राजीनामा देत नाहीयेत.पण त्यांनी नैतिकतेच्या आधारावर मंत्रिपदाचा राजीनामा दिला पाहिजे आणि संतोष देशमुख हत्या प्रकरणात योग्य ते न्याय मिळाला पाहिजे अस यावेळी कोल्हे म्हणाले.

पुण्यातील निसर्ग मंगल कार्यालय येथे राष्ट्रवादी काँग्रेस शरदचंद्र पवार पक्षाची बैठक आयोजित करण्यात आली होती.यावेळी खासदार अमोल कोल्हे यांना विचारलं असता त्यांनी आपलं मत व्यक्त केलं.

हेही वाचा: Beed Murder Case : बीडमध्ये पुन्हा एकदा हत्याकांड! जमावाच्या हल्ल्यामध्ये दोन सख्ख्या भावंडांचा दुर्दैवी मृत्यू

यावेळी अमोल यांना गेल्या दोन दिवसांपासून पहाटेच्या शपथविधी बाबत जी चर्चा सुरू आहे त्याबाबत विचारलं असता ते म्हणाले की शिळ्या कढीला ऊत आणण्याच्या प्रयत्न होत असेल आणि तो ठराविक प्रसंगी मंत्री मंडळातून डावलले गेल्यानंतर होत असेल तर पाहावं लागेल.कागदावर जनतेने त्यांना बहुमत दिले आहे.याबाबत भुजबळ साहेब यांनी माहिती दिली आहे तर ते याविषयी बोलतील अस यावेळी कोल्हे म्हणाले.

अजित पवार यांना बीडच पालकमंत्री पद देण्यात आल आहे.  बीड शांत होण्याची अपेक्षा अजित पवारांकडून व्यक्त करता का? याबाबत कोल्हे यांना विचारलं असता ते म्हणाले की प्रत्येक भागाची अपेक्षा आहे कारण पालकमंत्री पद कशासाठी अशी चर्चा सुरू झाली आहे.  प्रत्येक गोष्टीवर जर घटक पक्ष नाराज होत असेल तर हे सरकार नाराज सरकार आहे का? अस प्रश्न उपस्थित होत आहे, असे यावेळी कोल्हे म्हणाले.

हेही वाचा: सरपंच संतोष देशमुख हत्येनंतर आता पुन्हा बीडमध्येच खंडणीप्रकरण उघड; माजी सरपंचानेच महिला सरपंचाला…

राष्ट्रवादी पक्षात फेरबदल होणार असल्याची चर्चा सुरू आहे याबाबत कोल्हे यांना विचारलं असता ते म्हणाले की जयंत पाटील यांच्या नेतृत्व आणि मार्गदर्शनाखाली लोकसभेला यश मिळालं आहे. यांच्या नेतृत्वाखाली कार्यकरणीचा आढावा घेतला जाईल.प्रदेशअध्यक्ष पद याबद्दल सर्वस्व निर्णय पवार साहेबांचा असेल.ते जे काही निर्णय घेतील तो सगळ्यांना मान्य असणार असल्याचं यावेळी कोल्हे म्हणाले.

Web Title: Ncp sharad pawar faction mp amol kolhe reply on dhananjay munde and beed case crime news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com