Bus Service : दिवाळी गोड होणार! वसई महापालिकेच्या ताफ्यात दाखल होणार 40 नव्या ई-बसेस; प्रवाशांची गर्दीच्या त्रासातून सुटका

Bus Service : वाढत्या लोकसंख्येमुळे आणि अपुऱ्या बसफेऱ्यांमुळे त्रस्त झालेल्या वसई-विरारच्या प्रवाशांसाठी एक अत्यंत दिलासादायक बातमी समोर आली आहे. केंद्र सरकारच्या 'पीएम ई-बस सेवा' योजनेंतर्गत शहरात दाखल होणाऱ्या १०० पैकी पहिल्या टप्प्यातील तब्बल ४० पर्यावरणपूरक अत्याधुनिक इलेक्ट्रिक बसेस ताफ्यात सामील होणार आहे.

• वसईकरांची दिवाळी गोड होणार!
• महापालिकेच्या ताफ्यात दाखल होणार 40 नव्या ई-बसेस
• प्रवाशांची गर्दीच्या त्रासातून सुटका

Bus Service : वाढत्या नागरीकरणामुळे आणि प्रवाशांच्या प्रचंड गर्दीमुळे सातत्याने अपुरी पडणाऱ्या वसई-विरार महापालिकेच्या परिवहन सेवेला अखेर मोठा दिलासा मिळणार आहे. केंद्र सरकारच्या महत्त्वाकांक्षी ‘पीएम ई-बस सेवा’ योजनेंतर्गत शहराला मंजूर झालेल्या १०० पैकी पहिल्या टप्प्यातील तब्बल ४० पर्यावरणपूरक अत्याधुनिक इलेट्रिक बसेस दिवाळीपूर्वी महापालिकेच्या ताफ्यात दाखल होणार आहेत. त्यामुळे सणासुदीच्या काळात नागरिकांना बसच्या फेऱ्यांची नवी भेट मिळणार असून लटकंतीच्या प्रवासातून सुटका होण्याची चिन्हे आहेत. ( Bus Service ) 

Mira Bhayandar Police Drug : वर्दीआडून काळ्याधंद्याचा उद्योग! मिरा-भाईंदरमध्ये ड्रग्ज तस्करीत पोलिस हवालदाराला रंगेहाथ बेड्या

वसई-विरार हे मुंबई व ठाण्याला लागून असलेले प्रमुख उपनगर असल्याने येथे नोकरदार वर्गाची संख्या मोठी आहे. सध्या महापालिकेकडे असलेल्या १२० बसेसपैकी अवघ्या ४० ई-बसेस प्रत्यक्ष सेवेत असून, ३६ विविध मार्गावरून दररोज ६५ हजारांहून अधिक नागरिक प्रवास करतात. मात्र, लोकसंख्येच्या तुलनेत वाहनांची संख्या तोकडी असल्याने गर्दीच्या वेळी बसेसमध्ये अक्षरशः पाय ठेवायलाही जागा गणेशोत्सवासारख्या सणांमध्ये कर्मचाऱ्यांचे आंदोलन, नादुरुस्त बसेस आणि खड्यांमुळे प्रवासी वाहतूक अनेकदा विस्कळीत झाली होती. या पार्श्वभूमीवर नवीन बसेसची प्रतीक्षा दीर्घकाळापासून होती.

अंतर्गत भागांत नवीन मार्ग सुरू करणे शक्य होणार

केंद्र शासनाने नेमलेल्या ‘जेबीएम’ या पुरवठादार कंपनीसोबतच्या कायदेशीर करारातील अटी-शर्ती आणि तांत्रिक बाबीमुळे एप्रिलमध्ये येणाऱ्या या बसेस रखडल्या होत्या. आता सर्व प्रशासकीय अडसर दूर झाले असून पहिल्या टप्प्यातील ४० बसेस रस्त्यावर धावण्यासाठी सज्ज होत आहेत. या नव्या गाड्यांमुळे प्रवासी भार असलेल्या मार्गावर फेऱ्या वाढवणे आणि वंचित राहिलेल्या अंतर्गत भागांत नवीन मार्ग सुरू करणे शक्य होणार असल्याचे परिवहन व्यवस्थापक धैर्यशील जाधव यांनी स्पष्ट केले.

सार्वजनिक वाहतूक अधिक सक्षम, पर्यावरणस्नेही होणार

या बसेसच्या चार्जिंग, पार्किंग आणि तांत्रिक देखभालीसाठी नवघर (वसई) व नालासोपारा येथे अत्याधुनिक ई-बस आगारांची उभारणी सुरू आहे. या प्रकल्पासाठी शासनाचा २७, १७ कोटी आणि महापालिकेचा १० कोटी असा एकूण ३७.१७ कोटींचा निधी खर्ची पडत आहे. या डेपोंचे काम ९० ते ९५ टक्के पूर्ण झाले आहे. तोपर्यंत या ४० बसेस विरार महापालिका मुख्यालयालगतच्या आगारातून तात्पुरत्या स्वस्ख्यात संचलित केल्या जाणार आहेत. या नव्या सेवेमुळे शहरातील सार्वजनिक वाहतूक अधिक सक्षम व पर्यावरणस्नेही होणार आहे.

Palghar News: दुर्वेस नाका येथे काळाचा घाला! जिन्यावर चक्कर येऊन पडताना कात्री छातीत घुसली; ३० वर्षीय तरुणाचा मृत्यू