रविवार, 25 ऑक्टोबर 2026
7 तारखेला पीएसआय मारुती बावडेकर यांनी एका मधोमध उभ्या असलेल्या रिक्षावर कारवाई केली. या कारवाईचा राग मनात धरून संबंधित रिक्षाचालकाने काही युट्युब चॅनेलच्या मदतीने पोलिसांबद्दल चुकीची आणि दिशाभूल करणारी माहिती व्हायरल केली होती. याप्रकरणी पोलिसांनी गांभीर्याने दखल घेत सबंधित व्यक्तींविरुद्ध गुन्हा दाखल केला आहे.
या प्रकरणी ‘ओके न्यूज’ या युट्युब चॅनेलचा चालक, ‘जनसेवा संकेत’ या फेसबुक पेजचा चालक आणि रिक्षाचालक यांच्याविरोधात गुन्हा दाखल करण्यात आला आहे. पोलीस यंत्रणा नेहमीच जनहितासाठी आणि कायदा सुव्यवस्था राखण्यासाठी काम करत असते. अशा प्रकारे कोणत्याही पुराव्याशिवाय पोलिसांची प्रतिमा मलीन करणे हा गंभीर गुन्हा आहे.”लोकांनी कायद्याचे पालन करणे गरजेचे आहे. सोशल मीडियाचा वापर करताना जबाबदारीने वागावे. कोणत्याही यंत्रणेला विनाकारण बदनाम करण्याचा किंवा त्यांचे खच्चीकरण करण्याचा प्रयत्न खपवून घेतला जाणार नाही.”डिजिटल युगात माहिती वेगाने पसरते, पण ती माहिती सत्य आहे की नाही हे तपासणे प्रत्येकाचे कर्तव्य आहे. केवळ ‘व्ह्यूज’ मिळवण्यासाठी किंवा वैयक्तिक रागापोटी पोलिसांसारख्या यंत्रणेवर चिखलफेक करणाऱ्यांना या कारवाईतून मोठा धडा मिळाला आहे, असं मीरा-भाईंदर ,वसई-विरार आयुक्तालयातील परिमंडळ उपायुक्त पौर्णिमा चौगुले यांनी सांगितलं आहे.
