पुणे महानगरपालिकेची कनिष्ठ अभियंता पदासाठीची परीक्षा पुढे ढकलली; भाजप युवा मोर्चाच्या मागणीला यश
भाजप पुणे शहर युवा मोर्चाचे अध्यक्ष दुष्यंत मोहोळ यांनी पुणे महापालिका आयुक्त नवलकिशोर राम यांना दिलेल्या सविस्तर निवेदनात परीक्षेच्या तारखेमुळे उमेदवारांना भेडसावणाऱ्या वस्तुनिष्ठ अडचणी अत्यंत स्पष्टपणे मांडल्या होत्या. पुणे महापालिकेची कनिष्ठ अभियंता पदाची परीक्षा 1 डिसेंबर रोजी होणार होती, तर राज्यातील मतदान 2 डिसेंबरला निश्चित आहे. अनेक परीक्षार्थींना मतदानासाठी 250–300 कि.मी किंवा त्याहून अधिक अंतर प्रवास करावा लागणार होता. यामुळे परीक्षेनंतर त्वरित मूळ गावी पोहोचणे, दुसऱ्या दिवशी मतदानासाठी वेळेत उपस्थित राहणे, हे प्रत्यक्षात अशक्य बनत होते. काही उमेदवारांना निवडणूक संदर्भातील काम असल्यामुळे परीक्षा व शासकीय कर्तव्ये एकाच दिवशी सांभाळणे अत्यंत कठीण आहे, या सर्व भाजप युवा मोर्चाच्या मागणीचा विचार करुन पुणे महापालिका प्रशासनाने परीक्षा पुढे ढकलण्याचा निर्णय घेतला आहे. पुणे महापालिकेच्या सामान्य प्रशासन विभागाने अधिकृत आदेश काढत परीक्षा पुढे ढकलण्याची घोषणा केली असून, नवीन तारीख लवकरच जाहीर होणार आहे.
दुष्यंत मोहोळ यांची प्रतिक्रिया
“उमेदवारांचा मतदानाचा हक्क अबाधित राहावा आणि परीक्षा पारदर्शक राहावी, ही आमची स्पष्ट भूमिका होती. प्रशासनाने या मुद्द्यांची योग्य दखल घेऊन परीक्षा पुढे ढकलण्याचा निर्णय घेतल्याबद्दल आम्ही प्रशासनाचे आभार मानतो. आगामी परीक्षेसाठी TCS, iON सारख्या उच्च-स्तरीय केंद्रांनाच प्राधान्य द्यावे, ही युवा मोर्चाची ठाम भूमिका राहील,” असे भाजप पुणे शहर युवा मोर्चा अध्यक्ष दुष्यंत मोहोळ यांनी सांगितले.
.png "Videos"){kind=small}
