Shivajinagar Bus Depot: ८२५ कोटी, महामेट्रोसोबत मोठा करार; शिवाजीनगर एसटी बसस्थानकाचा होणार कायापालट

Pune Shivajinagar Bus Depot Redevelopment: शिवाजीनगर एसटी बसस्थानकाच्या पुनर्विकास प्रकल्पाच्या माध्यमातून पुण्यातील सार्वजनिक वाहतूक व्यवस्था अधिक सक्षम करण्याचा प्रयत्न आहे. शहरातील आणि शहराबाहेरून येणाऱ्या प्रवाशांना वेगवेगळ्या वाहतूक सेवांचा लाभ एकाच ठिकाणी घेता येणार आहे.

• पुण्यातील शिवाजीनगर एसटी बसस्थानकाचा पुनर्विकास
• MSRTC आणि महामेट्रो यांच्यात सामंजस्य करार
• एसटी बस, पुणे मेट्रो, रेल्वे, पीएमपीएमएल बस आणि रिक्षा या सर्व सेवा एकाच छताखाली

Pune Shivajinagar Bus Depot: पुण्यातील शिवाजीनगर एसटी बसस्थानकाचा तब्बल ८२५ कोटी रुपये खर्चून पुनर्विकास करण्याचा निर्णय महापालिका प्रशासनाने घेतला आहे. सार्वजनिक-खासगी भागीदारी (PPP) तत्त्वावर हा प्रकल्प राबवला जाणार असून या प्रकल्पामुळे बसस्थानकाचे रूप पूर्णपणे बदलणार आहे. आधुनिक सुविधा, प्रशस्त प्रतीक्षागृह आणि विविध सार्वजनिक वाहतूक सेवांची जोडणी हे या प्रकल्पाचे प्रमुख वैशिष्ट्य असणार आहे.

विशेष म्हणजे, नव्या वाहतूक केंद्रात एसटी बस, पुणे मेट्रो, रेल्वे, पीएमपीएमएल बस आणि रिक्षा या सेवांची जोडणी उपलब्ध करून दिली जाणार आहे. त्यामुळे प्रवाशांना एका ठिकाणाहून दुसऱ्या ठिकाणी जाताना वाहतुकीची साधने बदलणेही अधिक सोयीचे होणार आहे.

पुणे महापालिकेच्या नऊ गावांच्या विकास आराखड्यात मोठे फेरबदल! रस्त्यांची रुंदी, संरेखन अन्…

शिवाजीनगर बसस्थानकाच्या पुनर्विकासासाठी महामेट्रोसोबत करार

शिवाजीनगर एसटी बसस्थानकाच्या पुनर्विकासासाठी महाराष्ट्र राज्य मार्ग परिवहन महामंडळ (MSRTC) आणि महामेट्रो यांच्यात सामंजस्य करार करण्यात आला आहे. मुख्यमंत्री देवेंद्र फडणवीस उपस्थित मुंबईतील सह्याद्री अतिथीगृहात बुधवारी झालेल्या बैठकीत या करारावर स्वाक्षऱ्या करण्यात आल्या.

शिवाजीनगर एसटी बसस्थानकाच्या पुनर्विकास प्रकल्पाच्या माध्यमातून पुण्यातील सार्वजनिक वाहतूक व्यवस्था अधिक सक्षम करण्याचा प्रयत्न आहे. शहरातील आणि शहराबाहेरून येणाऱ्या प्रवाशांना वेगवेगळ्या वाहतूक सेवांचा लाभ एकाच ठिकाणी घेता येणार आहे. त्यामुळे प्रवासादरम्यान वाहन बदलण्यासाठी होणारी धावपळ कमी होण्याची अपेक्षा आहे.

Chhath Puja: ‘…त्याचा तीव्र शब्दांत निषेध करतो’; पिंपरी घाटावरील ‘त्या’ प्रकरणात विजय गुप्ता काय म्हणाले?

एसटी, मेट्रो, रेल्वे आणि पीएमपीएमएल सेवा एकाच ठिकाणी

शिवाजीनगर बसस्थानकाच्या पुनर्विकासातील सर्वात महत्त्वाचे वैशिष्ट्य म्हणजे विविध सार्वजनिक वाहतूक सेवांचे एकत्रीकरण. नव्या वाहतूक केंद्रातून एसटी बस, पुणे मेट्रो, रेल्वे, पीएमपीएमएल बस आणि रिक्षा यांची जोडणी उपलब्ध करून दिली जाणार आहे.

बसस्थानकाच्या पुनर्विकास प्रकल्पामुळे प्रवाशांना लांब पल्ल्याच्या एसटी प्रवासासोबतच शहरांतर्गत प्रवासासाठीही विविध पर्याय एकाच परिसरात उपलब्ध होणार आहेत. आधुनिक सुविधांमुळे शिवाजीनगर बसस्थानकाचा प्रवास अधिक आरामदायी आणि सोयीस्कर होण्याची अपेक्षा व्यक्त केली जात आहे.