पुणे गणेशोत्सव 2026
पुण्याचे ग्रामदैवत श्री कसबा गणपती यांच्या १३४व्या वर्षाच्या उत्सवाला सकाळी ९ वाजता रास्ता पेठेतील पॉवर हाऊस चौकातून निघालेल्या मिरवणुकीने सुरुवात झाली. प्रभात बँड, ज्ञानप्रबोधिनी, शौर्य आणि संघर्ष पथक सहभागी झाले. सकाळी ११.४५ वाजता वेदमूर्ती देवव्रत महेश रेखे गुरुजी यांच्या हस्ते प्राणप्रतिष्ठापना करण्यात आली.
मानाचा दुसरा तांबडी जोगेश्वरी गणपती यांची सकाळी १० वाजता नारायण पेठेतील मंदार लॉज येथून आगमन मिरवणूक निघाली. नगारावादन, न्यू गंधर्व ब्रास बँड, ताल पथक आणि विष्णूनाद शंख पथक सहभागी झाले. दुपारी १२.१५ वाजता योगी निरंजननाथ गुरु शांतिनाथ यांच्या हस्ते प्राणप्रतिष्ठापना करण्यात आली. यंदा तुळजाभवानी मंदिराची प्रतिकृती साकारण्यात आली आहे.
मानाचा तिसरा गुरुजी तालीम गणपती यांची आगमन मिरवणूक सकाळी ११ वाजता सुरू झाली. विविध ढोल-ताशा पथकांच्या सहभागाने आणि फुलांनी सजविलेल्या रथातून श्रींचे आगमन झाले. दुपारी १.५५ वाजता पुनीतशेठ आणि जान्हवी बालन यांच्या हस्ते प्राणप्रतिष्ठापना करण्यात आली. यंदा पुरी येथील श्री जगन्नाथ मंदिराची प्रतिकृती साकारण्यात आली आहे.
मानाचा चौथा तुळशीबाग गणपती यांची प्राणप्रतिष्ठापना मिरवणूक सकाळी ९ वाजता काढण्यात आली. दुपारी १२.३० वाजता गोविंद देव गिरी महाराज यांच्या हस्ते प्राणप्रतिष्ठापना करण्यात आली. यंदा भव्य ब्रह्मणस्पती मंदिराची सजावट करण्यात आली असून भाविकांसाठी श्रींच्या चरणस्पर्शाची विशेष व्यवस्था करण्यात आली आहे.
Ganeshotsav 2026: गणपती बाप्पा मोरया! गणेशभक्तांना घेऊन ‘नमो एक्स्प्रेस’ कोकणकडे रवाना
मानाचा पाचवा केसरीवाडा गणपती यांची सकाळी ९ वाजता रमणबाग चौकातून पालखीतून आगमन मिरवणूक काढण्यात आली. बिडवे बंधूंचे सनई-चौघडा तसेच श्रीराम आणि कलावंत ढोल-ताशा पथक सहभागी झाले. सकाळी ११.३५ वाजता रौनक रोहित टिळक यांच्या हस्ते प्राणप्रतिष्ठापना करण्यात आली.
.png "Videos"){kind=small}
