Rajapur Ganesh Visarjan: ढोल-ताशांचा निनाद, गुलालाची उधळण अन् बाप्पाचा जयघोष! राजापूरमध्ये ११ दिवसांच्या बाप्पाला उत्साहात निरोप

Rajapur Taluka Ganesh Visarjan 2026 : राजापूर तालुक्यात ११ दिवसांच्या गणेशोत्सवानंतर डीजेविरहित विसर्जन मिरवणुकांमध्ये ढोल-ताशांचा गजर, लेझीमचे सादरीकरण आणि गुलालाची उधळण करत गणरायाला उत्साहात भावपूर्ण निरोप देण्यात आला.

• बाप्पाच्या निरोपाला भक्तीचा रंग
• राजापूर तालुक्यात ढोल-ताशांच्या गजरात विसर्जन
• डीजेविरहित मिरवणुकांनी जपली गणेशोत्सवाची संस्कृती

गणेशोत्सवाच्या ११ दिवसांच्या उत्सवानंतर राजापूर तालुक्यात गणरायाला उत्साहपूर्ण वातावरणात निरोप देण्यात आला. विविध ठिकाणी गणेशमूर्तींच्या विसर्जन मिरवणुका पारंपरिक पद्धतीने काढण्यात आल्या. यावेळी अनेक मंडळांनी डीजेपासून दूर राहत पारंपरिक ढोल-ताशांच्या गजरात बाप्पाची विसर्जन मिरवणूक काढण्याला प्राधान्य दिले.

गणरायाच्या जयघोषात निघालेल्या या मिरवणुकांमध्ये ढोल-ताशांचा निनाद, लेझीम पथकांचे सादरीकरण, गुलालाची उधळण आणि फटाक्यांची आतषबाजी यामुळे परिसरात उत्साहाचे वातावरण निर्माण झाले होते. महिला, युवक, ज्येष्ठ नागरिक तसेच बालगोपाळ मोठ्या संख्येने विसर्जन मिरवणुकीत सहभागी झाले.

Gondiya News: जादूटोण्याच्या संशयातून वृद्धाची हत्या; मुंडीपारच्या खुनाचा उलगडा! दोघांसह २ विधिसंघर्षग्रस्त ताब्यात

११ दिवस भक्तिभावाने गणरायाची पूजा-अर्चा केल्यानंतर ‘गणपती बाप्पा मोरया, पुढच्या वर्षी लवकर या’च्या जयघोषात भक्तांनी आपल्या लाडक्या बाप्पाला भावपूर्ण निरोप दिला. विसर्जनासाठी प्रशासन आणि स्थानिक पातळीवर आवश्यक नियोजन करण्यात आले होते. विविध विसर्जनस्थळी गर्दी होऊ नये तसेच वाहतूक सुरळीत राहावी यासाठीही उपाययोजना करण्यात आल्या.

डीजेविरहित आणि पारंपरिक पद्धतीने झालेल्या विसर्जन मिरवणुकांमुळे गणेशोत्सवातील पारंपरिक संस्कृती आणि लोककलेचा अनुभव नागरिकांना घेता आला.

Accident News: तीन महिन्यांपूर्वी बोहल्यावर चढला, पण संसार थाटण्याआधीच काळाने हिरावलं