"नानाची टांग…", नाना पाटेकर यांनी एकनाथ शिंदेंचे कौतुक केल्यानंतर राजू पाटलांची ट्विटवरून टिका (फोटो सौजन्य-X)
Raju Patil on Eknath Shinde News in Marathi : ‘राज्याच्या राजकारणात खूप कमी मंडळी आहेत, ज्यांच्यावर कोणताही ठपका नाही, त्यापैकी एक म्हणजे एकनाथ शिंदे,’ असे अभिनेते नाना पाटेकर यांनी एकनाथ शिंदेंवर कौतुकाचा वर्षाव केला. ‘काही मित्र असे असतात ज्यांच्याकडे पाहून समाधान वाटतं, एकनाथ शिंदे हे त्यापैकीच एक आहेत’ असंही नाना यावेळी म्हणाले. यावर मनसे नेते राजू पाटील यांनी एक ट्वीट करीत नाना पाटेकर यांच्यावर टिका केली आहे. राजू पाटील यांचे यांनी नानाची टांग असे ट्वीट केले आहे. त्यांचे हे ट्वीट चर्चेचा विषय ठरला आहे.
नाना पाटेकर म्हणाले, राज्याच्या राजकारणात खूप कमी मंडळी आहेत ज्यांच्यावर कोणताही ठपका नाही, त्यापैकी एक म्हणजे एकनाथ शिंदे अशा शब्दात अभिनेते नाना पाटेकर यांनी शिंदेंवर कौतुकाचा वर्षाव केला. काही मित्र असे असतात ज्यांच्याकडे पाहून समाधान वाटतं, एकनाथ शिंदे हे त्यापैकीच एक असल्याचं नाना पाटेकर म्हणाले. नाम फाऊंडेशन, टाटा मोटर्स आणि राज्य शासनाच्या संयुक्त विद्यमाने कोयना धरण परिसरात ‘गाळमुक्त धरण आणि गाळयुक्त शिवार’ ही योजना राबवली जात आहे. त्याचा शुभारंभ हा राज्याचे उपमुख्यमंत्री एकनाथ शिंदे आणि अभिनेते नाना पाटेकर यांच्या हस्ते करण्यात आला. त्यावेळी नाना पाटेकर बोलत होते.
म्हणे कोणताही ठपका व ठिपका नसलेला नेता….. ! एकदा अधिकाऱ्यांना व ठेकेदारांना विचारा नाना ! #नानाची_टांग
— Raju Patil ( प्रमोद (राजू) रतन पाटील ) (@rajupatilmanase) May 5, 2025
‘एकनाथ शिंदे यांना बाळासाहेबांचे शिवसैनिक असल्यापासून ओळखत आहे. आमची मैत्री जुनी आहे, मी त्याच्यांकडे काही मागत नाही. काही राजकीय मंडळी आहेत ज्यांच्यावर कोणतेही ठपके नाहीत, त्यांच्यापैकी एक म्हणजे एकनाथ शिंदे आहेत. शिंदेंनी मुख्यमंत्रिपद भूषवलं, पण कुणीही त्याच्याकडे बोट दाखवू शकत नाही. देवेंद्र फडणवीस आणि अजित पवार या दोघांना सुद्धा मी जवळून ओळखतो. त्यांचे सुद्धा काम चांगले आहे.’ नानांच्या या विधानानंतर मनसे नेते राजू पाटील यांनी ट्वीट केले आहे की, म्हणे कोणताही ठपका व ठिपका नसलेल्या नेता , एकदा अधिकाऱ्यांना आणि ठेकेदारांना विचारा नाना . त्यात त्यानी नानाची टांग असे म्हटले आहे.
.png "Videos"){kind=small}
